COVALIMA, 30 Setembru 2022 (TATOLI) – Diretór Servisu Munisipal Agrikultura Munisipiu Covalima, Domingos Gusmão husu, agikultór sira atu labele sunu rai no tesi ai arbiru. Tanba hosi bandu sira ne’e bele konserva agrikultur to’os na’in bele sai inovativu liu tan.
Nia dehan, razaun husi konservasaun agrikultura hanorin grupu to’os na’in sira sai inovativu tanba mantein rai bokur liuhosi minimiza sunu rai no tesi ai arbiru.
“Tékniku agrikultura sira atu disponibiliza halo rai bokur iha rai laran, tanba, ne’e ita ema ka grupu agrikultura sira labele sunu rai ka lere ai horis ou fila rai arbiru,” dehan Domingos Gusmão ba ba jornalista sira iha Covalima.
Nia dehan grupu agrikultura atu produtividade tenke liuhosi kuda ai lehe hodi atu du’ut labele moris no buras nomos asegura rai iha kondisaun liu husi kuda lehe hodi fó biban ba mikro organismu iha rai laran halo prosesu kompozisaun transforma nutriente ai horis ne’ebé agrikultura sira kuda.
Jornalista : Celestina Teles
Editóra : Armandina Moniz
