iklan

COVALIMA, HEADLINE, INKLUZAUN SOSIÁL, MUNISÍPIU

Lixu namkari iha kampu Ladi Covalima

Lixu namkari iha kampu Ladi Covalima

Administradór Munisípiu Covalima, Francisco de Andrade. Imajen Tatoli/Celestina Teles.

COVALIMA  02 Outubro   2022 (TATOLI) – Administradór Munisípiu Covalima Francisco de Andrade informa, lixu kontinua namkari iha kampu ladi hafoin realiza serimónia, tanba komunidade sira la iha konsiénsia atu so’e lixu iha nia fatin ne’ebé mak prepara ona.

“Ita hala’o atividade ruma depende ema nia konsiénsia, buat ida bolu dehan ijiene tanba dalaruma ema balun hemu bee soe arbiru. tuir loloos ema-ne’ebé iha konsiénsia bainhira hemu bee tenke tau iha lixeiru ne’ebé mak prepara ona,” nia informa ba Tatoli  iha Covalima.

Autoridade ne’e esplika, kampu futeból  Ladi ne’ebé lokaliza iha suku Camanasa, postu administrativu suai, hafoin remata serimónia lixu sempre namkari iha kampu no funsionáriu sira mak ba hamoos.

“Ita ko’alia kona-bá lixu ne’ebé iha nia fatin depende ema idak-idak nia konsiénsia, maibé ita la hatene nu’udar Covalima oan iha konsiénsia ka lae. tanba realidade hatudu ita prepara lixeiru mós lixu kontinua namkari ”  nia dehan.

Realidade hatudu katak foin lalais autoridade hala’o sensibilizasaun lei 33/2008, kona-bá ijiene orden públiku maibé ema nafatin laiha konsiénsia.

Autoridade munisípiu Covalima sensibiliza ona lei númeru 33/2008 kona-bá ijiene no orden públiku, maibé sosiedade seidauk iha konsiénsia.

“Ita halo asaun sira dehan ita ladi’ak maibé lei ne’e aprova iha 2008, ema nafatin la iha konsiénsia,” nia hateten.

Jornalista:Celestina Teles

Editór: Evaristo Soares Martins

iklan
iklan

Leave a Reply

iklan
error: Content is protected !!