iklan

EKONOMIA, BAUCAU, HEADLINE, MUNISÍPIU

Benefisiáru na’in-sia hetan apoia UKL iha suku Uma Ana-ulu

Benefisiáru na’in-sia hetan apoia UKL iha suku Uma Ana-ulu

Xefi Suku Uma Ana-Ulu, Viçente de Sousa Boavida. Imajen Tatoli/Natalino Belo.

BAUCAU, 04 outubru 2022 (TATOLI) – Uma-kain sia hosi suku Uma Ana-ulu, Bercoli, postu administrativu Venilale, munisípiu Baucau sai benefisiáriu hodi hetan apoia subsídiu konstrusaun Uma Kbiit Laek (UKL) iha tinan ne’e.

Xefi suku Uma Ana-ulu, Berkoli, postu administrativu Venilale, Viçente de Sousa Boavida, esplika, liuhosi enkontru konsellu suku deside benefisiáriu na’in-sia ne’ebé prienxe kritéria atu hetan subsídiu UKL ba tinan 2022.

Benefisiariu na’in-sira mai hosi aldeia tolu ne’ebé kada aldeia sei hetan uma tolu komposta  hosi aldeia Osso gui-gui, Nunu-docu no Venilale.

“Agora iha ona faze loke kuotasaun atu define kompañia fornesedór matéria no tuir planu sei hahú konstrusaun iha fulan-outubru,” Xefe suku Uma ana-ulu, Berkoli, postu Venilale hateten iha Bercoli, tersa ne’e.

Hosi benefisiáriu nain-sia refere sei direitu ba UKL ho medidas metru kuadradu 38 ne’ebé sei aloka orsamentu ba kada uma hamutuk $15.000 nune’e tótal orsamentu ba fíziku iha suku Uma ana-ulu hamutuk $135.000.

UKL faze dahuluk uma-tolu iha aldeia Caihula finaliza ona no hein atu intregra ba benefisiáriu sira ho tótal orsamentu hamutuk $54.108.

Entertantu, suku Uma ana-ulu kompostu aldeia haat hanesan Caihula, Nunu-docu, Osso gui-gui no Venilale ho tótal komunidade hamutuk rihun tolu-resin no tótal uma-kain hamutuk 600-resin.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!