iklan

EKONOMIA, HEADLINE

Governu ezekuta ona OJE Retifikativu 2022 biliaun $1,1

Governu ezekuta ona OJE Retifikativu 2022 biliaun $1,1

Edifísiu Palasiu Governu. Imajen Tatoli/Francisco Sony

DILI, 04 outubru 2022 (TATOLI)—VIII Governu Konstitusionál liuhosi Administrasaun Sentrál ezekuta ona Orsamentu Jerál Estadu (OJE) Retifikativu 2022 ho montante reál biliaun $1,1 ka 34%, to’o sesta (30/09).

“Governu Sentrál nia taxa ezekusaun reál OJE Retifikativu 2022 bainhira esklui Fundu Kombatente Libertasaun Nasionál, ho montante biliaun $1 atinje 57%,” refere nota ne’ebé Agência Tatoli asesu, tersa ne’e.

Enkuantu, taxa ezekusaun reál Governu Sentrál (ein termu persentajen) a’as liu mak Autoridade Munisípiu, ne’ebé ezekuta ona millaun $39,2 ka 62% hosi orsamentu alokadu millaun $63,6.

Tuir kedan ho Fundu Dezenvolvimentu Kaputál Umanu (FDCH, sigla portugés), ne’ebé ezekuta ona millaun $6,8 hosi orsamentu alokadu millaun $12,4, ajénsia autónoma sira ezekuta ona millaun $108,4 ka 46% hosi orsamentu alokadu millaun $234,6, liña ministeriál ezekuta ona milliaun $827,2 ka 34% hosi orsamentu alokadu biliaun $2,4.

Notísia relevante: Governu ezekuta ona millaun $597,7 hosi OJE Retifikativu 2022

Nune’e mós, Fundu COVID-19 ezekuta ona millaun $15,7 hosi orsamentu finál millaun $56,4 (montante orsamentu finál ne’e inklui ona saldo tranzitadu hosi tinan 2021 ho montante millaun $18,7), enkuantu Fundu Infraestrutura foin mak ezekuta millaun $58,6 ka 18% hosi orsamentu alokadu millaun $332,4.

Taxa ezekusaun reál tuir klasifikasaun ekonómiku ba Governu tomak inklui Rejiaun Administrativa Espesiál Oé-cusse Ambeno (RAEOA) a’as liu mak iha kategoria saláriu no vensimentu atinje ona millaun $180,9 ka 67% hosi orsamentu alokadu millaun $269,9, tuir kedan ho bens no servisu ne’ebé ezekuta ona millaun $199,7 ka 38% hosi orsamentu alokadu millaun $524,9, transférensia públika ezekuta ona millaun $617,6 ka 32% hosi orsamentu alokadu biliaun $1,9, kapitál dezenvolvimentu ezekuta ona millaun $75,5 ka 17% hosi orsamentu alokadu millaun $446,9 no kapitál menór foin mak ezekuta millaun $7,1 ka 13% hosi orsamentu alokadu millaun $53,4.

Ezekusaun OJE 2022 RAEOA atinje millaun $26,4 ka 29%, hosi totál orsamentu alokadu millaun $89,6.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!