iklan

DESPORTU, DILI, HEADLINE

Médiku Espesialista hosi Reinu Unidu promete apoia MS hodi kombate dengue

Médiku Espesialista hosi Reinu Unidu promete apoia MS hodi kombate dengue

Susuk Dengue.Imajen/TATOLI

DILI, 04 outubru 2022 (TATOLI)— Médiku Espesialista na’in-tolu hosi kompañia Biocentis hosi Imperial College United Kingdom, tersa ne’, hala’o enkontru ho Prezidente Repúblika, José Ramos-Horta, hodi manifesta prontidaun atu apoiu Ministériu Saúde (MS) hodi kombate moras dengue iha Timor-Leste.

“Hafoin enkontru sei haree uluk lai ita-nia governu nia kapasidade, atu ita bele atende moras dengue ne’e, depois sira-nia ekipa sei diskute no rona hosi ita-nia parseiru WHO, Kruz-Vermella ne’ebé durante ne’e ajuda governu halo atendimentu ba kombate dengue, sira sei rona uluk hosi sira depois saida mak sira bele halo,” dehan Xefe Ezekurivu officer Biocentis, Giorgio Rocca liu hosi komunikadu ne’ebé Agência TATOLI asesu, tersa ne’e.

Iha sorin seluk, Head of Strategy, Frederico Guelpa reforsa, sientísta hosi kompañia Biocentis hosi Reinu Unidu, hakarak atu utiliza sira-nia ekipamentu moderna ne’ebé bele redús “mosquito” liuliu “aedes aegypti” ne’ebé bele prevene moras dengue.

“Ami mai atu introdús ba Prezidente, hafoin sei ba hasoru Ministériu Saúde, no posibilidade sira bele ami kolleta dadus hosi ita-nia governu, hafoin mak ami bele uza ami-nia teknolojia iha ne’e,” katak nian.

Nune’e, Xefe Estadu, José Ramos-Horta, husu médiku Biocentis sira atu servisu hamutuk bo MS no OMS atu implementa teknolojia foun hosi kompañia Biocentis ne’e hodi kontribui ba redusaun moras dengue iha Timor-Leste.

Profissionál saúde hirak ne’e sei hasoru malu ho Ministra Saúde no reprezentante Organizasaun Mundiál Saúde (OMS) hodi deskute inisiativa ida ne’e.

Dengue iha Timor – Leste

Diresaun Nasionál Saúde Publika liuhosi Departamentu Visilansia Epidemolojia, iha Ministériu Saúde   rejista iha meadu janeiru tinan 2022, rejista kazu dengue 473, hosi númeru ne’e na’in-hitu mate.

Maioria kazu ne’e deteta hosi Munisípiu Dili ho totál 331, munisípiu Baucau kazu 25, Munisípiu Manatuto ho kazu 23, hafoin Munisipiu Covalima ho kazu 17, Munisípiu Ermera ho kazu 46, Munisípiu Manufahi ho kazu 14, Viqueque kazu haat, Munisípiu Ainaro ho kazu haat, Munisípiu Liquiça kazu tolu, Munisípiu Aileu ida no Bobonaro relata kazu lima.

To’o ohin loron, postu administrativo Dom Alexo Relata kazu totál 147, hafoin Posto Administrativo Cristo Rei ho kazu 67, Vera-Cruz iha kazu 55, Nain Feto iha kazu 58, ne’e hatudu katak kada loron kazu espalla nafatin ba iha postu administrativu sira seluk.

Kazu óbito iha semana dahuluk janeiru 2022 iha na’in-ida ne’ebé relata hosi Munisípiu Dili, no iha semana datoluk relata kazu óbitu na’in haat, hosi Munisípiu Ermera, na’in ida husi munisípiu Ainaro no na’in ida hosi munisípiu Bobonaro.

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!