PNTL Bobonaro preparadu asegura komemorasaun Balibo Five

BOBONARO, 10 outubru 2022 (TATOLI) – Komandu Polísia Nasionál Timor-Leste (PNTL) munisípiu Bobonaro, preparadu asegura komemorasaun loron Balibo Five ne’ebé sei realiza iha loron 16 fulan-outubru tinan ida-ne’e.

Komandante PNTL munisípiu Bobonaro, Superintendente Antoninho Mauluta, esplika, Polísia sei fó seguransa másimu ba komemorasaun trajédia Balibo five ba dala-47 ne’ebé sei realiza iha loron 16 fulan-outubru.

Mauluta orienta ona komandante eskuadra postu administrativu Balibo atu prepara planu operasaun aprezenta mai komandu, ajusta ho seksaun operasaun nune’e bele koloka membru efetivu inklui transporte hodi asegurasa selebrasaun loron istóriku ne’e.

“Kona-bá komemorasaun Balibo Five, ha’u hanoin PNTL munisípiu Bobonaro asegura totál atividade ne’e,” nia informa ba jornalista sira, hafoin realiza enkontru ho komandante eskuadra sira, iha Maliana, segunda ne’e.

Iha parte seluk, komandante ne’e apela ba komunidade hotu, liuliu joven sira atu nafatin garante pás no establidade nune’e kualkér atividade iha munisípiu Bobonaro bele la’o ho di’ak.

“Ita tenke tane-aas ita-nia munisípiu ida-ne’e, tanba ita atu asegura situasaun ida-ne’e la’ós PNTL de’it maibe hotu-hotu tenke kontribui,depois bainhira akontese problema ruma karik labele

Tuir agenda hosi Konselu Impressa (CI) Iha 13 outubru sei halo abertura ba feira ba produtu lokál, nune’e fó tempu ba komunidade hosi ne’ebá hodi prepara ai-han lokál ba partisipante sira no sei halo debate televizaun no kafé dadeer liuhosi Rádiu Televizaun Timor-Leste (RTTL).

Iha 15 outubru, Conselho de Imprensa (CI) sei konvida xefe redasaun, na’in ba mídia, tanba iha forum editoriál nasionál ne’e, CI hakarak xefe redasaun sira iha Dili no munisípiu, no jestór Rádiu Komunidade sira hodi ko’alia kona-ba mídia iha Timor-Leste no ho nia obstákulu sira.

Iha biban ne’e, sei iha atribuisaun prémiu ba jornalista sira, liuliu prémiu lima (5) no aumenta tán prémiu ida kona-ba Max Stahl nian.

Aleinde halo lansamentu ba loron nasionál Liberdade Imprensa iha 16 outubru ne’e, sei komemora trajédia Balibo Five liuhosi misa agradesimentu.

Iha lansamentu ne’e, sei partisipa hosi Prezidente Repúblika, José Ramos Horta, Prezidente Parlamentu Nasionál, Sekretáriu Estadu Komunikasaun Sosiál (SEKOMS), Ministru ba Asuntu Parlamentar Komunikasaun Sosiál (MAPKOMS), korpu diplomátiku sira, parseiru sira inklui entidade mídia sira

Antes ne’e, iha 24 maiu liubá, Parlamentu Nasional (PN) aprova projetu rezolusaun Parlamentu Nasionál númeru 95 / V ( 4a ) -institui loron Nasionál Liberdade Imprensa iha 16 outubru, nune’e kada tinan bele selebra.

Komemorasaun ne’e hodi fó rekoñesimentu ba jornalista estranjeiru sira-ne’ebé mate iha tempu okupasaun Indonézia ne’ebé halo serbisu iha órgaun komunikasaun sosiál oinoin hodi fó-sai kauza Timor-Leste to’o hetan auto-determinasaun ka ukun rasik-an, no liberdade imprensa ba órgaun komunikasaun sosiál, direitu informasaun livre asegura informasaun ne’ebé hatuur ona iha konstituisaun RDTL.

Parlamentu Nasionál aprova 16 outubru sai hanesan loron nasionál ba Liberdade Imprensa tanba iha loron 16 outubru 1975 mosu trajédia iha Balibo ne’ebé jornalista australianu no neozelandeze na’in-lima hetan oho hosi militár indonéziu bainhira halo knaar jornalizmu atu transmite ba kanál televizaun australianu, ne’ebé ikus mai trajédia ne’e koñesidu ho naran “Balibo Five”.

Jornalista na’in-lima (5) ne’ebé mate iha trajédia “Balibo Five” ne’e mak hanesan Greg Shackleton (reportér) ho idade 29, Tony Stewart (gravadór lian) ho idade 21, Gary Cunningham (cameraman) hosi mídia HSV-7 (Seven Network) Melbourne ho idade 27, no Brian Peters (cameraman) ho idade 26 no Malcolm Rennie (reportér) hosi mídia TCN-9 (Nine Network) Sydney ho idade 29.

Jornalita: Sérgio da Cruz

Editór: Evaristo Soares Martins