DILI, 12 outubru 2022 (TATOLI)—Ministru Turizmu Komérsiu no Indústria (MTKI), José Lucas do Carmo da Silva, hateten MTKI iha proposta Orsamentu Jerál Estadu (OJE) 2023 prevee $15,002,853, hodi fó prioridade ba dezenvolvimentu turizmu komunitária no haforsa empreza médiu no ki’ik sira.
“Ba OJE tinan 2023 ne’e, MTKI prevee millaun $15 ne’ebé foku dezenvolvimentu setór turizmu liu-liu turizmu komunitáriu no iha mós oinsá haforsa setór privadu empreza médiu no ki’ik. Ita foku tau importánsia iha ne’eba ida-ne’e mak ministéiru nia papél importante tenke halo,” José Lucas do Carmo da Silva hateten hafoin audiénsia públika proposta OJE 2023 ho komisaun C trata asuntu Finansa Públika iha Parlamentu Nasionál, kuarta ne’e.
Durante iha audiénsia públika ne’e, MTKI atualiza mós ezekusaun OJE 2022 no rezultadu serbisu durante ne’e.
Tuir livru anexu XI planu anuál ba serbisu no entidade setór públiku administrativu, ba 2023, MTKI iha programa boa-governasaun jestaun instituisionál prevee $4,583,960 ho sub-programa tolu (3) no atividade 11.
Programa turizmu prevee ho sub-programa kontrola regularizasaun no industralizasaun atividade jogu rekreativu ho atividade tolu (3), sub-programa promosaun Timor-Leste hanesan distinu turístiku ho atividade sia (9), sub-programa dezenvolvimentu turizmu komunitária ho atividade ida (1), sub-programa dezenvolvimentu no jestaun no instalasaun turístika iha TL ho atividade haat (4), sub-programa dezenvolmentu setór privadu iha área turizmu ho atividade tolu (3).
Sub-programa polítika dezenvolvimentu turizmu iha TL ho atividade tolu (3), sub-programa dezenvolvimentu no jestaun instalasaun turístika no kulturál iha Timor-Leste ho atividade ida (1).
Programa investimentu no diversifikasaun ekonómika ho sub-programa regulamentasaun kontrolu inspesaun no monitorizasaun atividade ekonómika ho atividade haat (4), sub-programa dezenvolvimentu polítika ekonómika no komérsiu ho atividade tolu (3), sub-programa dezenvolve no promove atividade komérsiál ho atividade lima (5), sub-programa dezenvolvimentu infraestrutura fízika komérsiu ho atividade rua (2).
Sub-programa apoiu dezenvolvimentu indústria nasionál ho atividade lima 95), sub-programa kriasaun sentru dezenvolvmentu industriál ho atividade tolu (5), sub-programa dezenvolve polítika nasionál indústria ho atividade lima (5).
Jornalista : Nelson de Sousa
Editór : Cancio Ximenes
