DILI, 12 outubru 2022 (TATOLI)—Ministru Koordenadór Asuntu Ekonómiku (MKAE), Joaquim Amaral, hateten iha proposta OJE 2023 ne’e MKAE prevee ho montante $2,371,445.
“Tinan oin ita prevee millaun $2-resin,” Joaquim Amaral hateten hafoin hala’o audiénsia públika ba propsota OJE 2023 ho komisaun C trata asuntu Finansa Públika iha Parlamentu Nasionál, kuarta ne’e.
Nune;e mós, iha biban ne’e MKAE atualiza mós ezekusaun OJE 2022 nia ne’ebé atinje ona 64.9% hosi montante inisiál millaun $2-resin.
Iha tinan 2023, MKAE iha t iha programa boa-governasaun no jestaun instituisional ne’e prevee $857,831 ho sub-programa ida (1) no atividade haat (4).
Programa investimentu no diversifikasaun ekonómika prevee $1,513,614 ho sub-programa polítika ekonómia ho atividade mak hanesan monitorizasaun negósiu ki’ik rural ne’ebé finansia liuhosi submensaun públika, koordenasaun polítika departamentu ministeriál no ajénsia tutela, koordenada monitoriza no avalia implementasaun planu rekuperasaun ekonómika, reforma ambiente negósiu, dezenvolvimentu no kapasitasaun setór privadu iha área ekonómika no institui instrumentu apoiu finansiamentu mikro, ki’ik, médiu no boot empreza sira, koordena no akompaña serbisu no polítika governamentál dezenvolvimentu setór privadu ho kooperativa, desiminasaun informasaun atividade ekonómika.
Sub-programa diversifikasaun ekonómika ho atividade koordenasaun no sensibilizasaun dezenvolvimentu komérsiu, asegura koordenasaun serbisu integrasaun iha ASEAN iha setór ekonómiku, promove polítika diversifikasaun ekonómika, promosaun no koordenasaun kadeia valór.
Jornalista : Nelson de Sousa
Editór : Cancio Ximenes
