Rosito Guterres simu prémiu SGLF 2022 hosi Prezidente Korea Súl

DILI, outubru 2022 (TATOLI)–Diretór Jerál Dezenvolvimentu Rurál (DGDR-sigla portugés), Rosito Guterres, nu’udar manán-na’in eminente Saemaul Global Ligue Forum (SGLF) 2022 ba kategória programa-polítika dezenvolvimentu rurál no suku, ne’ebé simu direta prémiu ne’e hosi Prezidente Korea Súl, Yoon Suk-Yeol.
Notísia Relevante: Kada tinan, Saemaul Undong aloka orsamentu $20 mill ba komunidade
Nasaun membru Saemaul Global Ligue Forum (SGLF) ho nia ema hamutuk 78 pesoa mak kompete ba prémiu SGLF 2022 nian ne’ebé maihosi nasaun 54, maibé Diretór Jerál Dezenvolvimentu Rurál Rosito Guterres, mak lori Timor-Leste nia naran sai manán-na’in prémiu iha 2022.
“Prémiu ne’e entega direta hosi Prezidente Repúblika Korea Súl, Yoon Suk-Yeol, iha Olimpic Stadium, Seoul. Prémio SGLF mak prémiu ne’ebé kada nasaun membru SGLF ho nia péritu ba dezenvolvimentu sira kompete liuhusi prosesu naruk,” nia haktuir liuhosi via WhasApp, ohin.
Nia dehan kritériu ba nomeasaun ba peritu dezenvolvimentu kada nasaun mak aplika aplikasaun ho curriculum vitae no submissão relatório do pais e Apresentação.
“Eventu ne’e konsidera boot tanba péritu ba dezenvolvimentu hosi provínsia hotu-hotu iha Korea Súl marka prezensa hodi partisipa iha eventu ne’e,” nia dehan.
Notísia Relevante: Governu TL agradese governu Korea Súl ba apoia Programa Saemaul Undong
Jornalista : Osória Marques
Editór : Cancio Ximenes

