DILI, 17 outubru 2022 (TATOLI) – Vise-Ministru Finansa (MF), António Freitas Belo, segunda ne’e informa, negosiasaun ba asuntu empréstimu ho Department of Foreign Affairs and Trade (DFAT) Austrália, daudaun konklui ona ho valór millaun $73,3 hodi re-dezenvolve aeroportu internasionál Nicolau Lobato, Dili.
“Ohin, ha’u mai informa ba Primeiru Ministru, katak ita konklui ona projetu negosiasaun ba empréstimu ho DFAT iha semana liubá, relatóriu ne’e hato’o atu husu orientasaun hosi Primeiru Ministru, depois ita haree pasu tuir mai, negosiasaun ho Austrália ita sei ba asesu jerál no mós empréstimu ho totál millaun $73,3,” Vise Ministru Finansa, António Freitas Belo, informa ba Jornalista sira iha Farol, segunda ne’e.
Tuir Governante ne’e katak, empréstimu ne’ebé hetan atu apoia tán programa re-dezenvolvimentu aeroportu internasionál Prezidente Nicolau Lobato, Comoro, Dili, entaun atu konklui dokumentu empréstimu ne’e, neste mumnetu iha ita-nia legál sira, atu fó sira-nia prestasaun, ikusliu lori ba Konsellu Ministru atu hetan aprovasaun, ne’ebé ita espera mais tarde tinan oin fevereiru 2023, bele asina ona.
Jornalista: Abílio Elo Nini
Editór: Evaristo Soares Martins
