Estudante EBC Ladi 212 preparadu partisipa ezame nasionál
COVALIMA, 19 outubru 2022 (TATOLI)–Estudante hosi Eskola Bázika Central (EBC) Ladi hamutuk na’in-212 preparadu atu partisipa ezame nasionál sei hala’o iha segunda (24 outubru 2022) semana oin.
“Ami-nia estudante no eskola preparadu atu tuir azame nasionál ne’ebé sei hala’o iha segunda semana oin, tanba ami forma ona komisaun ba ezame nasionál hodi elabora matéria ba ezame lokal mós finaliza ona hein atu hasoru ezama nasional,” Diretór EBC Ladi, Hermenezildo da Silva Martins, informa ba Agência Tatoli iha EBC Ladi, kuarta ne’e.
Preparasaun eskola ba estudante sira-ne’ebé mak atu partisipa ezame nasionál iha loron 24 fulan Outubru tinan 2022 ne’e, profesór sira prepara hodi tesi kartaun ezame nian, nune’e bele distribui ba estudante sira atu tuir ezame nasionál.
Hafoin distribui kartaun ezame ba estudante sira, estudante sira mós sei halo limepeza iha resintu EBC Ladi no prepra profesór vijilante no oráriu, nune’e segunda semana oin estudante sira bele tuir ezame nasionál.
Estudante iha EBC Ladi hamutuk na’in-212 ne’ebé fahe ba turma lima hanesan turma A ho totál estudante na’in-43 ne’ebé kompostu hosi mane 19 no feto 24, turma B iha totál estudante hamutuk 43 ne’ebé kompostu hosi mane 20 no feto 23, turma C estudante iha estudante na’in-42 ne’ebé kompostu hosi mane 20 no feto 22, turma D iha estudante na’in-44 ne’ebé kompostu hosi mane 12 no feto 32 no turma E iha estudante hamutuk na’in-43 ne’ebé mane na’in-25 no feto na’in-18.
Bazea ba dadus hosi Servisu Munisipal Edukasaun Covalima total estudante ne’ebé atu tuir ezameezame nasional iha munisípiu Covalima hamutuk na’in-2, 812 ne’ebé kompostu hosi estudante ensinu báziku na’in-1,761 no estudante ensinu sekundáriu na’in-800.
Jornalista : Celestina Teles
Editór : Cancio Ximenes
