Autoridade munisipiu fó pose ba membru KKM Viqueque
VIQUEQUE, 21 outubru 2022 (TATOLI)–Autoridade munisípiu Viqueque hamutuk nain 58, sesta ne’e simu pose nudar membru Konsellu Konsultivu Munisipál.
“Konsellu Konsultivu sai orgaun ida ne’ebé importante iha munisípiu Viqueque. Nune’e ohin ita fó pose ba membru KKM ba daruak. Membru sira ne’e sei hala’o serbisu tenke simu pose uluk,” Januário Soares nudar Administrador Munisipiu Viqueque hateten ba jornalista sira, hafoin remata ba membru KKM, iha salaun munisípiu, sesta ne’e.
Kona-ba Konsellu Konsultivu Viqueque (KKV) bazeia ba dekretu lei hosi númeru: 54/2020, outubru, segundu alterasaun ba dekretu lei númeru: 3/2016, iha 16 marsu hosi artigu 42 ne’ebé sita katak KKM nia kompozisaun tuir artigu 44.
“Konsellu konsultivu ne’e akontese uluk iha tinan 2015 no agora tan tinan 2022. Nune’e ha’u hanoin espera katak membru konsellu konsultivu ne’e ba oin bele deside programa atu la’o ho di’ak tuir períoridade munisípiu ida-ne’e nian,” nia dehan.
Pose ne’e kompostu hosi Prezidenti KKM administradór munisípiu, Januarion Soares, Sekretáriu munisípiu, xefe suku, reprezenta antigu kombatente, reprezenta setór privadu, reprezenta grupu intelektual, reprezentante juventude, reprezentante relijiaun, reprezentante feto no reprezentante partidu.
Iha fatin hanesan reprezenta membru KKM atuál feto potensial Viqueque, Lucia Guterres, hateten foin dala uluk envolve iha membru KKM oinsa foti desizaun iha nivel munisípiu Viqueque.
“Ha’u reprezenta feto iha membru konsellu konsultivu hodi foti dezesizaun ruma ba prosesu dezenvolvimentu iha munisípiu Viqueque”, nia hato’o.
Iha serimónia tomada posse hetan partisipasaun hosi diretór munisipal, administradór postu, Komandante Polísia Nasionál Timor Leste (PNTL) Munisipiu Viqueque no veteranu sira.
Jornalista : Vitorino Lopes da Costa
Editóra : Armandina Moniz
