DILI,27 outubru 2022 (TATOLI)— Vise Prezidente Konsellu Kombatente Libertasaun Nasionál (CCLN, sigla portugés), Marito Nicolau Reis, hateten CCLN prepara ona veteran na’in-628 atu simu kondekorasaun hosi Prezidente Repúblika, José Ramos Horta, iha loron 28 novembru tinan ne’e.
“Ita prepara ona veteranu hosi kada munisípiu hamutuk 50, nune’e hamutuk 628 mak sei hetan kondekorasaun iha loron 28 novembru iha ida-idak nia munisípiu”, Vise CCLN ne’e hateten ba jornalista sira hafoin hasoru malu ho Xefe Estadu, iha Palásiu Prezidensiál Nicolau Lobato, Bairru Pite, Dili, kinta ne’e.nia dehan.
Gabinete Presidensiál ka Kaza Sivíl mós prepara ona lista veteranu no ema importante sira atu simu kondekorasaun agresiadu hamutuk 21.
Tuir loloos veteranu na’in-650 mak simu kondekorasaun, maibé munisípiu Covalima mak iha de’it na’in-28 tanba maioria simu ona nune’e la to’o 50.
Tuir planu, Komemorasaun loron Proklamasaun Independénsia unilaterál iha loron 28 novembru tinan ne’e sei selebra iha munisípiu Manatuto.
Jornalista : Felicidade Ximenes
Editór :Florencio Miranda Ximenes
