iklan

EKONOMIA, COVALIMA

Janeiru-outubru: Rejistun sivil Covalima kontribui reseita $23,900 ba kofre Estadu

Janeiru-outubru: Rejistun sivil Covalima kontribui reseita $23,900 ba kofre Estadu

Osan dolar Amérika. Imajen/Espesiál

COVALIMA, 04 novembru 2022 (TATOLI)—Diretór Munisipál Konservatóriu Rejistu Notariadu Covalima, António Sarmento informa, hahú hosi janeiru to’o outubru tinan 2022 ne’e, rejistu sivil notariadu Covalima konstribui reseita $23,900 ba kofre Estadu.

“Hosi janeiru to’o outubru ne’e, ami halo atendimentu hodi rejistu ba Billete Identidade (BI), rejistu ba sertidaun RDTL no halo atendimentu ba pasaporte kontribui reseita hamutuk $23,900 ba kofre Estadu,” António Sarmento hateten ba jornalista sira iha nia kna’ar fatin, Santa Rosa, sesta ne’e.

Reseita ne’ebé rejistu notariadu kontribui ne’e, ninia fonte mai hosi sidadaun sira-ne’ebé trata pasaporte ba rekejitu normál kada pasa porte ida selu $50.00 ho totál sidadaun nain-478.

Rejistu Notariadu Covalima konstribui hahú janeiru ne’e sidadaun hamutuk na’in-29 ho osan $1,450, iha fevreiru ne’e na’in-hitu (7) ne’ebé kontribui osan $350, iha marsu na’in-22 ne’ebé kontribui osan $1,100, iha abríl ne’e ema na’in-18 ne’ebé mak kontribui osan $900,

Iha fulan-maiu ne’e sidadaun na’in-53 ne’ebé kontribui osan $2,650, iha juñu sidadaun na’in-132 mak kontribui osan $6,600, iha jullu ne’e sidadaun na’in-65 ne’ebé mak kontribui osan $3,250, iha agostu ne’e sidadaun na’in-13 mak kontribui osan $650, iha setembru ne’e ema na’in-72 mak kontribui osan $3,600 no iha fulan-outubru ne’e iha sidadaun na’in-69 mak kontribui osan hamutuk $3,450.

Jornalista : Celestina Teles

Editór        : Cancio Ximenes

iklan
iklan

Leave a Reply

iklan
error: Content is protected !!