iklan

BAUCAU, HEADLINE, MUNISÍPIU, SEGURANSA

PNTL Baucau rejista asidente tolu durante selebrasaun loron matebian

PNTL Baucau rejista asidente tolu durante selebrasaun loron matebian

Komandante PNTL Munisípiu Baucau, Superintendente António de Sá. Imajen Tatoli/Natalino Belo.

BAUCAU, 04 novembru 2022 (TATOLI) – Komandu Polísia Nasionál Timor-Leste (PNTL) Munisípiu Baucau rejista asidente hamutuk tolu durante selebrasaun loron matebian.

Komandante PNTL munisípiu Baucau, Superintendente Xefe, António Maria de Sà, esplika, kazu asidente tolu refere rezulta vítima na’in-tolu mak lakon vida hanesan akontese iha fatin ne’ebé diferente, hanesan asidente motorizada iha área Lia-Bala, suku Uato-Haco, postu administrativu Venilale rezulta vítima feto na’in-ida mate, asidente iha postu administrativu Vemasse no iha postu administrativu Laga.

“Durante loron finadu, hahú loron 29 fulan-outubru to’o loron 2 fulan novembru ita rejista kazu insidente tolu,” Komandante PNTL Baucau hateten iha Vila Nova, sesta ne’e.

Kazu insidente akontese hanesan tara-aan iha área postu administrativu Laga, kazu tuda karreta bís iha área postu Laleia, munisípiu Manatuto no kazu joven tuda malu iha semitériu suku Tirilolo, postu administrativu Baucau Vila.

Nune’e mós kazu joven baku veteranu Domingos da Costa iha área Bau-Oli, suku Bahu, postu administrativu Baucau Vila.

Xefe Departamentu Emerjénsia Hospitál Referal Eduardo Ximenes (HoREX), Baucau , Claudino Ximenes, hateten, durante loron finadu rejista kazu pasiente hamutuk 76 maioria husi labarik ki’ik ho idade fulan ida to’o tinan lima, ne’ebé hetan afetadu ba Kazu phenomonia no diarreia.

“Durante loron boot finadu ami la rejista kazu pasiente asidente maibé ami rejista pasiente ne’ebé mai halo tratamentu hamutuk na’in-76 maioria labarik sofre moras phenomonia ho diarreia,” Claudino Ximenes hateten.

Jornalista   : Natalino Belo

Editór          : Evaristo Soares Martins

iklan
iklan

Leave a Reply

iklan
error: Content is protected !!