iklan

EDUKASAUN, COVALIMA, HEADLINE, MUNISÍPIU

Edukasaun Covalima finaliza ona ezame nasionál

Edukasaun Covalima finaliza ona ezame nasionál

Diretór Servisu Edukasaun Munisípiu Covalima, Rui Suri Seran. Imajen Tatoli/Celestina Teles.

COVALIMA, 06 novembru   2022 (TATOLI) – Servisu Edukasaun Munisípiu Covalima, finaliza Ona examen nasionál períodu tinan 2022 nian maibé hela de’it estudiante na’in-ida mak seidauk tuir ezame.

Diretór Servisu Edukasaun Munisípiu Covalima, Rui Suri Seran,  informa, estudante finalista na’in-ida la partisipa ezame nasionál períodu 2022.

“Estudante finalista iha munisípiu covalima na’in-ida  la partisipa ezame nasionál,  tanba nia apa mate nune’e nia sei tuir  ezame nasionál volta daruak iha segunda semana oin. Estudante na’in-ida ne’ebé auziénsia, hosi Eskola Sekundáriu Jerál  Públiku Suai (ESGP, sigla portugés)”, Diretór ne’e informa ba Tatoli, iha Covalima.

Ho nune’e servisu edukasaun Covalima halo ona preparasaun ba estudante na’in-ida ne’ebé auziénsia ezame nasionál, tanba ne’e xefe departamentu foti ona pontu  ezame nasionál períodu 2022.

“Xefe departamentu ensinu foti ona pontu ezame nasionál ba segunda vez. segunda semana oin nia-tuir fali ezame nasionál nune’e ita konsidera estudante finalista sira tuir hotu ezame nasionál, bainhira nia laiha númeru ezame signifika nia laiha direitu atu tuir ezame,” nia katak.

Tuir dadus , estudante finalista períodu 2022 na’in -2,812 hosi númeru ne’e,estudante finalista ensinu báziku na’in-1,761 mane 848, feto 913.ensinu sekudáriu jerál 800 mane 320 feto 480 na’in-ida la partisipa ezame nasionál, ensinu tekniku vokasionál na’in-251.

Ezame nasionál realiza  iha loron 24 to’o 27  outubru,  hahú hosi tuku 8:00 dadeer to’o remata.

Jornalista: Celestina Teles

Editór: Evaristo Soares Martins

iklan
iklan

Leave a Reply

iklan
error: Content is protected !!