iklan

HEADLINE, SEGURANSA

Asaun pasífiku hasoru PN, PNTL husu AMN respeita lei manifestasaun

Asaun pasífiku hasoru PN, PNTL husu AMN respeita lei manifestasaun

Estudante no juventude sira ne'ebe halibur-an iha Aliansa Maubere Nasional halo asaun protesta hasoru PN ne'ebe planeu atu sosa karreta no laptop foun ba Deputadu sira. Asaun ne'e halo iha kampus UNTL nia oin, segunda 7 Novembru 2022. Imajen Tatoli/Antonio Daciparu

DILI, 07 novembru 2022 (TATOLI)— Komandu Polísia Nasionál Timor-Leste (PNTL), Munisípiu Dili husu ba Aliansa Maubere Nasionál (AMN), ne’ebé halo asaun pasífiku hasoru Parlamentu Nasionál (PN), hodi kontra planu sosa kareta prado sport no laptop ba Deputadu sira, atu nafatin respeita lei manifestasaun hodi garante pás no estabilidade.

“Husu manifestante sira tenke disipliña ne’e importante, uza brutalizmu laiha solusaun, Timor-Leste ita nia hotu, Dili ita nia, mai ita hotu garante pás no estabilidade, se ita uza brutalizmu, ita uza forsa, ita sei la hetan solusaun ida, tanba ne’e husu ba alin sira, imi iha direitu halo manifestasaun maibé labele haluha katak regra no lei ne’ebé maka kesi ita,” dehan  Komandante Polisia Nasional Timor-Leste (PNTL), Munisipiu Dili, Superintendente Xefe  Henrique da Costa, ba jornalista sira iha nia kna’ar fatin PNTL-Caicoli, segunda ne’e.

Ofisiais membru PNTL asegura hela seguransa ba estudante no joventudi sira neebe halibur an iha Aliansi Monumentu Nasional Halo asaun protes hasoru PN neebe planeia atu sosa kareta no laptop foun ba Deputadu sira.asaun nee halo iha kampus UNTL nia oin,segunda 7 November 2022.Imajen Tatoli/Antonio Daciparu
Estudante no joven sira ne’ebé halibur an iha Aliansa Maubere Nasionál (AMN) halo asaun protestu hasoru PN ne’ebé planeia atu sosa karreta no laptop foun ba deputadu sira. Asaun ne’e halo iha kampus UNTL nia oin, segunda (07 novembru 2022). Imajen Tatoli/António Daciparu

Tanba nia dehan direitu ba manifestante sira atu halo kritika ba ukun-nain sira, maibé tenke disipliña, kumpre ba regra, labele uza asaun brutalismu hodi sobu Estadu, tanba Timor-Leste ema hotu nian.

Bainhira AMN halo manifestasaun la kumpre regra, nia afirma lei fó dalan ba autoridade seguransa PNTL atu hapara, maske lei proteze sira.

Tanba ne’e, Komandu PNTL Dili orienta ona membru sira atu kontinua akompaña hodi garante seguransa ba manifestante sira iha kampus Universidade Nasionál Timor-Leste (UNTL) nia-oina  atu labele iha perturbasaun ordén públiku, liuliu manifestante sira  labele hakat liu estrada.

Superintendente Xefe ne’e rekoñese iha sesta semana kotuk PNTL Dili simu duni  pedidu ida hosi Aliansa Maubere Nasionál (AMN), maibé Komandu Dili haruka  fali sira  nian pedididu bá iha Komandu Jerál PNTL.

“Ami orienta atu sira nia pedidu ba direta Komadante Jerál PNTL, entaun iha loron sesta (04/11), bolu kedas sira nia Portavoz mai iha ne’e, fó karta ne’e hodi haruka sira ba liu Komandu Jerál, nune’e bele garante seguransa ba manifestante sira”, nia afirma.

Jornalita: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!