iklan

COVALIMA, POLÍTIKA

Autoridade Covalima sensibiliza programa “Bolsa da mãe jerasaun foun” ba komunidade

Autoridade Covalima sensibiliza programa “Bolsa da mãe jerasaun foun” ba komunidade

Diretór MSSI Munisípiu Covalima, Agapito Asis. Imajen Tatoli/Celestina Teles

COVALIMA, 07 novembru 2022 (TATOLI)–Autoridade munisipál liuhosi Sentru Solidariedade Sosial Covalima hahú prepara halo koordenasaun ho administradór postu administrativu halo sensibilizasaun ba politíka Governu hodi implementa programa bolsa da mãe jerasaun foun ba komunidade.

“Teknikamente ita koordena ona ho administradór munisípiu no postu administrativu sira liuhosi sensibilizasaun hodi fahe informasaun, nune’e ita-nia komunidade bele hatene programa bolsa da mãe jerasaun foun,” Diretór Sentru Solidariedade  Sosial, Agapito Asia, informa ba Agência Tatoli, iha resintu AMC, Sukaer Laran, segunda ne’e.

Molok implementa programa bolsa da mãe jeresaun foun, tékniku senrtu solidariedade sosiál halo koordenasaun ho autoridade hodi hala’o sensibilizasaun ba komunidade, sé mak sai benefisiáriu, dever no direitu ba programa bolsa da mãe jerasaun foun, nune’e prepara atu implementa.

Tanba, polítika Governu implementa programa bolsa da mãe jerasaun foun, iha munisípiu Covalima sei implemente iha tinan 2023.

“Ita iha ona preparasaun koordena ho ministériu saúde hodi haree dadus iha ita-nia klinika sentru saúde sira  hodi submete ba tékniku ne’ebé servisu, nune’e sentru solidariedade sosiál prepara halo rekrutamentu tékniku no halo preparasaun iha sentru saúde,” nia dehanb.

Tuir planu, sentru solidariedade sosiál sei halo rekrutamentu tekniku sira destaka iha sentru saúde hodi halo rejistu ba benefisiariu bolsa da mãe jeresaun foun, bazea vaga ne’ebé fó sai hamutuk 37 ne’ebé sei destaka ba iha postu administrativu hitu iha munisípiu Covalima.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!