iklan

NASIONÁL, POLÍTIKA

MAKLN submete pedidu dekretu-lei foun konstrusaun uma veteranu 15-19 ba KM

MAKLN submete pedidu dekretu-lei foun konstrusaun uma veteranu 15-19 ba KM

Ministru Asunu Kombatente Libertasaun Nasionál (MAKLN), Júlio Sarmento da Costa “Meta Mali”. Imajen Tatoli/Egas Cristóvão

DILI, 07 novembru 2022 (TATOLI)–Ministru Asunu Kombatente Libertasaun Nasionál (MAKLN), Júlio Sarmento da Costa “Meta Mali”, hateten MAKLN submete ona pedidu dekretu-lei foun kona-ba konstrusaun uma veteranu 15-19 nian ba Konsellu Ministru (KM) hodi haree no konsidera.

Notísia Relevante: Governu sei harii uma ba veteranu hamutuk 117 pur etapa

Tanba, nia hateten, dekretu-lei ba konstrusaun uma ba veteranu 20-24 nian ne’e MKALN la mensiona konstrusaun uma veteranu 15-19, tanba ne’e mak MAKLN haruka ona pedidu ba Konsellu Ministru.

“Nune’e, ami halo fali pedidu ida ba Konsellu Ministru para aprova fila-fali dekretu foun hodi konsidera mós veteranu 15-19 sira,” Governante ne’e hateten ba Agência Tatoli, iha resintu Parlametu Nasionál, Dili, segunda ne’e.

MAKLN subemte ona dekretu-lei refere, ne’ebé iha kuarta (09 novembru mak Konsellu Ministru (KM) foin halo diskusaun no foti desizaun ba asuntu refere.

Tuir planu, sei foti de’it ema 40-resin, nune’e hetan atribuisaun osan $40,000 kada ema ida.

Antes ne’e, Governu prevee osan hamutuk $2,400,000 no kada veteranu hetan $4,000 ne’ebé luta tinan 20-24 nia laran iha ai-laran hamutuk na’in-98 no hosi ema hirak ne’e barak liu mak hosi rejiaun I Lospalos, tuir mak rejiaun II Viqueque, Baucau no seluk tán.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!