iklan

NASIONÁL, POLÍTIKA

OJE 2022 : AMRT ezekuta ona 62,28% iha trimestre datoluk

OJE 2022 : AMRT ezekuta ona 62,28% iha trimestre datoluk

Osan Dolar Amérika. Imajen/Espesiál

DILI, 07 novembru 2022 (TATOLI)—Diretór Jestaun no Administrasaun iha Arkivu no Múzeu Rezisténsia Timor-Leste (AMRT-sigla portugés), Abrão dos Santos, relata iha trimestre datoluk (jullu-setembru) tinan ne’e AMRT ezekuta ona Verba Orsamentu Jerál Estadu (OJE) 2022 atinji ona 62,28%.

“Agora daudaun ezekusaun orsamentu AMRT nian ba trimestre datoluk ne’e ami ezekuta atinje ona 62,28%, ne’ebé ekivalénsia ho osan hamutuk $1.868.527,” Abrão dos Santos hateten ba Agência Tatoli, iha nia kna’ar fatin Díli, segunda ne’e.

Hosi montante orsamentu $1.868.527 ne’e, AMRT ezekuta ba programa rua (2), programa dahuluk mak kultura no patrimóniu no daruak mak programa boa-governasaun jestaun no institusionál.

“Hosi ne’e, ami aloka orsamentu ba programa kultura no patrimóniu hamutuk $1.226.798, ne’ebé nia ezekusaun ba programa ne’e atinje ona 65,66% no ami aloka fali ba programa boa-governasaun jestaun no institusionál hamutuk $641.729. Hosi ne’e, ami ezekuta ona hosi trimestre dahuluk to’o datoluk hamutuk 34,34%. Tanba ne’e, ami akumula nia totál entre programa rua (2), ami despeza to’o 30 setembru mak $1,163.736, ne’ebé ekivalente ho osan 62,28% no hosi ne’e ami-nia espetativa ami bele to’o 80% liu,” nia esplika.

Tanbsá, nia hatán, razaun iha kada tinan ne’e AMRT labele ezekuta orsamentu ne’e kompletu, tanba nia prosesu liuliu akizisaun ne’e buat ruma ba prosesu aprovizionamentu nian ne’e barak.

Aleinde ne’e, sistema takka la halimar, tanba ne’e AMRT tenke tenta másimu posivél atu enfrenta, tanba orsamentu ne’e taka sedu liu no atu duni malu mós ladi’ak, tanba ne’e defaktu AMRT nia ezekusaun nunka atinje to’o 100% tanba rekursu umanu iha AMRT mós limitadu.

“Tanba ne’e, osan barak mak ami husik hela no dala barak mak ami fó fila osan ba kofre Estadu, ami-nia problema mak iha ne’e,” nia dehan.

Jornalista : Nelia Fernandes

Editór       : Cancio Ximenes

iklan
iklan

Leave a Reply

iklan
error: Content is protected !!