iklan

COVALIMA, SEGURANSA

Durante finadu, situasaun seguransa iha Covalima la’o hakmatek

Durante finadu, situasaun seguransa iha Covalima la’o hakmatek

Komandante PNTL Munisípiu Covalima, Basilio de Jesus. Imajen Tatoli/Celestina Teles.

COVALIMA, 08 novembru 2022 (TATOLI)–Komandante Polísia Nasionál Timor-Leste (PNTL) munisípiu Covalima, Basílio de Jesus, informa durante selebra loron finadu situasaun jerál  seguransa iha Covalima la’o normál no ho hakmatek.

“Seguransa sai hanesan fatór determinante atu bele alkansa dezenvolvimentu nasionál, entaun durante selebra loron finadu bazea ba despaixu  hosi komandante jerál PNTL, ho nune’e PNTL halo alerta foin ramata iha loron 7 fulan-novembru. Ita bele dehan situasaun jerál iha Covalima la’o hakmatek,” Basílio de Jesus hateten ba jornalista sira, iha komando PNTL Covalima, Santa Rosa, tersa ne’e.

Ida-ne’e alontese tanba tanba apoiu ema hotu nian hanesan joven, ferik no katuas sira mai hosi Dili selebra loron finadu iha Covalima, kuaze hotu-hotu ho sentidu ne’ebé apoiu makaas hodi kontribui ba seguransa.

Maske rejista kazu insidente no asidente labarik-sira provoka malu, tuda malu no asidente tráfegu balun maibé la grave, tanba hanesan baibain akontese ne’ebé atua ho di’ak.

“Ha’u-nia prinsípiu ho lema dehan katak polísia sai autór ba seguransa iha Covalima ida-ne’e.  ita hotu joven feto no mane ferik no katuas inklui ema-ne’ebé vizita mai Covalima tenke sai na’in ba seguransa. Ho ida-ne’e mak ita bele kria estabilidade di’ak, Seguransa la’ós interrese polísia nian de’it maibé seguransa sai interrese ba ema hotu,” nia dehan.

Tanba ne’e, komadante PNTL Covalima hato’o agaradesimentu ba komunidade Covalima nia kontribuisaun iha seguransa durante selebra loron finadu iha Covalima, la’ós polísia mak susesu de’it maibé susesu ba ema hotu iha Covalima tanba bele kria pás no estabilidade .

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!