iklan

COVALIMA, POLÍTIKA

MAE sei inaugura edifísiu postu administrativu Maucatar iha 14 novembru

MAE sei inaugura edifísiu postu administrativu Maucatar iha 14 novembru

Diretór Planu Dezenvolvimentu Intergradu Munisípál, Afonso Nogueira Nahak. Imajen Tatoli/Celestina Teles.

COVALIMA, 08 novembru 2022 (TATOLI)–Ministériu Adminisrasaun Estatal (MAE) sei inuagura konstrusaun edifísiu postu administrativu Maucatar iha 14 novembru, tanba konstrusaun ba edifísiu refere kompañia Sabudoi Unipesoal, Lda, finaliza ona.

“Ita-nia projetu Planu Dezenvolvimentu Integradu Munisipal (PDIM) tinan 2021, ne’ebé Covalima iha projetu konstrusaun edifísiu postu administrativu Maucatar ne’ebé finaliza 100%, nune’e sei inaugura hosi Ministru Administrasaun Estatal (MAE) iha loron 14 novembru 2022,”  Diretór Planu Dezenvolvimentu  Intergradu Munisípal, Afonso Nogueira Nahak, hateten ba Agência Tatoli, iha salaun AMC, Sukaer Laran, tersa ne’e.

Projetu PDIM tinan fiskal 2021 ne’ebé implementa iha munisípiu Covalima mak hanesan projetu konstrusaun edifísiu postu administrativu Mucatar ne’ebé mak progresu implementasaun 100% no konstrusaun rezidénsia administradór munisípiun Covalima ne’ebé nia progresu konstrusaun 83,8%.

“Projetu konstusaun rezidénsia administradór munisípiu Covalima ninia progresu atinje ona 83,8%. Ita hein katak, tinan ne’e ka tinan oin, iha fuan-janeiru bele finaliza konstrusaun projetu ne’e,” nia hateten.

Entretantu, adminisradór Munisípiu Covalima, Francisco de Andrade, hatuur fatuk dahuluk konstrusaun edifísiu postu administrativu Maucatar, iha loron 05 fulan-Janeiru tinan 2022, ne’ebé konstrui hosi kompañia Sabudoi Unipesoál, Lda, ne’ebé konstrusaun ho nia durasaun tempu durante fulan-neen (6) ho orsamentu mai hosi 2021 ho montante $164,861.91.

Kona-ba rezidénsia administradór munisípiu Covalima, iha loron 24 fulan-janeiru tinan ne’e, ne’ebé konstrui hosi kompañia Verde Kaisahe ho totál orsamentu hamutuk $230.000.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!