iklan

EKONOMIA, COVALIMA, POLÍTIKA

Konstrusaun irrigasaun Beigui iha Zumalai atinje ona 50,24%

Konstrusaun irrigasaun Beigui iha Zumalai atinje ona 50,24%

Diretór Planu Dezenvolvimentu Integradu Munisipal (PDIM), Afonso Nogueira Nahak. Imajen Tatoli/Celestina Teles.

COVALIMA, 09 novembru 2022 (TATOLI)–Diretór Planu Dezenvolvimentu Integradu Munisipal, Afonso Nuogueira Nahak informa, progresu konstrusaun irrigasaun Beigui iha suku Fatuleo, postu administrativu Zumalai, munisípiu Covalima atinje ona 50,24%.

“Ita  iha projetu dezenvolvimentu agrikultura konstrusaun kanal irrigasaun Beigui iha suku Fatuleto, postu administrativu Zumalai nia progresu atinje ona 50,24%, ne’ebé kompañia konstrui ona bee-dalan ho metru 500. Hein katak ho nune’e fulan-novembru nia rohan ramata ona,” Afonso Nogueira Nahak inform aba Agência Tatoli iha Administrasaun Munisípiu Covalima, Sukaer Laran, kuarta ne’e.

Konstrui irrigasaun Beigui ne’e konstrui hosi kompañia Joel Amor Unipesoál, Lda, ho orsamentu $68,816.56, nune’e nia progresu konstrusaun atinje ona 50,24% no iha fulan-novembru nia rohan ne’e bele finaliza ona.

Bazea ba kontratu durasaun fulan tolu finaliza ona maibé agora besik finaliza ona tanba konstrui irrigasaun ho-nia distánsia kilometru ida-de’it entaun iha semana oin ne’e bele finaliza.

Projetu konstrui irrigasaun Beigui iha suku Fatuleto ne’e nia naruk hamutuk metru 1000 ho nia montante orsamentu hamutuk $68,816.56.

Enkuantu, Projetu konstrui irrigasaun Beigui ne’e la uza orsamentu hosi rúbrka kapitál dezenvolvimentu tinan fiskal 2022, maibé uza orsamentu restu projetu konstrusaun edifísiu postu administrativu Maucatar no rezidénsia administradór munisípiu Covalima nian.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!