iklan

EKONOMIA, BAUCAU, HEADLINE, MUNISÍPIU

Uma-kain 607 hosi Triloka sei simu subsídiu $200

Uma-kain 607 hosi Triloka sei simu subsídiu $200

Xefi suku Triloka, Alexandre da Costa. Imajen Tatoli/Natalino Belo.

BAUCAU, 09 novembru 2022 (TATOLI) – Uma-kain hamutuk 607 hosi suku Triloka, postu admistrativu Baucau Vila, munisípiu Baucau sei simu subsídiu $ 200.

Xefi suku Triloka, postu administrativu Baucau Vila, Alexandre da Costa, esplika, autoridade suku submete ona dokumentu ba administrasaun munisipál hafoin rekolla no finaliza iha fulan-fevereiru tinan-ne’e ho totál uma-kain hamutuk 607.

“Subsídiu ne’e hanesan parte ajuda nesesidade família nian iha tinan foun maibé tenke kontinua serbisu maka’as hodi hadi’a kondisaun ekonomia uma-laran,” Xefe suku Triloka informa ba Tatoli iha Sentru Konvesaun Baucau (CCB, sigla portugés), kuarta ne’e.

Autoridade suku Triloka to’o agora seidauk iha informasaun serteza kona-ba pagamentu mesmu tuir publikasaun banku sei direita to’o iha kada suku atu pagamentu ba família agregadu sira iha fulan-novembru ne’e.

Alexandre da Costa argumenta, prosesu pagamentu sei fó-sai orsamentu hosi Banku Nasionál Komérsiu Timor-Leste (BNCTL, sigla portugés) ne’ebé sei direita paga hosi finansa Ministériu Solidaridade Sosial no Inkluzaun (MSSI), Serbisu Solidaridade Sosiál Munisipál no Pesoál Administrasaun Suku (PAS) ne’ebé hetan observasaun hosi autoridade suku.

“Xefe suku akompaña tanba sei iha deklarasaun reprezentante ruma atu simu osan bainhira iha xefe família mate ka sai ba estranjeiru,” Alexandre da Costa akresenta.

Suku Triloka ho totál populasaun hamutuk 2.700-resin komposta hosi aldeia haat hanesan Aubaca, Baduh’o, Macada’e no Leciloiwatu.

Jornalista       : Natalino Belo

Editór              : Evaristo Soares Martins

iklan
iklan

Leave a Reply

iklan
error: Content is protected !!