iklan

NASIONÁL, POLÍTIKA

Xefe Estadu orienta Fakuldade Enjeñaria UNTL lansa semináriu kona-ba teknolojia

Xefe Estadu orienta Fakuldade Enjeñaria UNTL lansa semináriu kona-ba teknolojia

Portavós Fakuldade Enjeñaria UNTL, Constâncio António Pinto. Imajen Tatoli /Egas Cristovão

DILI, 09 novembru 2022 (TATOLI –Portavós Fakuldade Enjeñaria iha Universidade Nasionál Timor-Leste (UNTL), Constâncio António Pinto, hateten Xefe Estadu José Ramos Horta orienta Fakuldade Enjeñaria UNTL atu prepara lansa semináriu kona-ba teknolojia ne’ebé liga liubá estaleiru navál.

“Ami reprezenta Fakuldade Enjenária iha UNTL ohin mai iha Xefe Estadu aprezenta kona-ba teknolojia oioin ne’ebé mak ita presiza iha Timor laran tomak, nune’e Prezidente Repúblika, ohin, orienta ami atu iha fulan-marsu ami prepara atu lansa semináriu ida-ne’ebé ko’alia kona-ba teknolojia. Teknolojia ne’e, ko’alia kona-ba estaleiru naval tanba ita iha ró barak hosi Polísia Nasionál Timor-Leste (PNTL), FALINTIL-Forsa Defeza Timor-Leste (F-FDTL) no hosi públiku sivil nian,” Portavós ne’e hateten ba jornalista sira iha Palásiu Prezidensiál Nicolau Lobato, Bairru Pite, kuarta ne’e.

Tanba, tuir nia, ró ne’ebé avaria ne’e sempre halo manutensaun iha rai-li’ur ne’ebé mak gasta osan barakliu maske Timor-Leste ne’e iha rekursu sufisiente, ne’e duni TL presiza ekipamentu no Governu investe halo ona servisu sira-ne’e.

“Tanba ami ne’ebé mak hamriiik iha ne’e, aprende iha área oioin. Ida-ne’e mak ohin ami ko’alia ho Prezidente Repúblika,” nia dehan.

Ho ida-ne’e mak, nia dehan, iha fulan-marsu ne’e halo lansamentu ba atividade ne’e hodi hatudu ba públiku no ba parseiru sira.

“Tanba hirak ne’e hotu fasilta ita hodi tama ba ASEAN mós, nune’e ita sei realiza iha fulan-marsu ka abríl molok eleisaun parlemantár iha tinan oin,” nia hateten.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!