iklan

HEADLINE, SAÚDE

MS disemina pakote servisu esensiál ba kuidadu saúde sekundáriu no tersiariu

MS disemina pakote servisu esensiál ba kuidadu saúde sekundáriu no tersiariu

Vise-Ministru Saúde, Bonifácio Maucoli dos Reis. Imajen Tatoli/Francisco Sony

DILI, 10 novembru 2022 (TATOLI)—Ministériu Saúde (MS) halo diseminasaun pakote servisu esensiál ba kuidadu saúde sekundáriu no tersiariu, analiza diskrepansia ba inventarizasaun  ekipamentu médiku no matadalan ba kuidadu paliativu.

Diseminasaun pakote servisu esensiál ba kuidadu saúde sekundáriu no tersiariu ne’e ofisialmente loke hosi Vise Ministru Saúde, Bonifacio Maucoli dos Reis, iha Alma do Mar, Munisipiu Liquiça.

Vise-Ministru Saúde Bonifácio Mau Coli dos Reis, hateten durante ne’e, MS implementa ona pakote servisu esensial ba kuidadu saúde primáriu iha komunidade nia le’et iha nível sentru saúde, postu saúde, klínika maternidade, postu tratamentu, klinika móvel, outreach nomós liuhusi programa SISCa no saúde na familia.

Atu asegura viabilidade no kontinuidade ba prestasaun kuidadu ba komunidade presiza asisténsia nível aas liu, bainhira presiza referénsia, transferénsia no atendimentu espesializadu ne’ebé dala barak labele presta iha nível Primárius.

Nune’e,  tempu ba MS no entidade relevante sira hotu atu oinsá atu disemina hodi implementa Pakote Hospitalar foun ida-ne’e.

“Agora dadaun, Hospitál Nasionál Guido Valadares  (HNGV) fornese hela kuidadu sekundáriu no tersiáriu, Hospitál Rejional Eduardo Ximenes Baucau, no Hospitál Referénsia sira fornese hela kuidadu sekundáriu, maibé nafatin iha kapasidade limitadu atu haree pasiente ho moras grave no asidente ne’ebé fó ameasa ba moris no rekere kuidadu médiku espesializadu ho kualidade aas no kompreensivu”, refere komunikadu ne’e.

Ho introdusaun no implementasaun ba pakote foun ne’e, Ministériu Saúde iha kompromisu atu halo espansaun ba nia servisu atuál sira iha hospitál kuidadus sekundárius no tersiáriu, no dirije rekursus nesesáriu sira atu implementa no operasionaliza servisu sira-ne’e fazeadamente, iha nasaun tomak.

“Ha’u solisita, Workshop loron tolu ne’e ho seriedade hahú husi 09 to’o termina, imi-nia kontribuisaun másimu atu bele partisípa ativu iha diskusaun, hato’o kritika konstrutivu, fó ideia no solusaun ba problema sira atu nune’e rezultadu husi woskhop ida-ne’e bele hamosu rekomendasaun ne’ebé bele ajuda Ministériu Saúde no entidade relevante sira hotu hodi disemina Pakote foun ida-ne’e iha Timor-Leste”, Bonifacio  esplika.

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!