iklan

COVID-19, DILI, POLÍTIKA

PN aprova renovasaun medida exesional prevensaun COVID-19

PN aprova renovasaun medida exesional prevensaun COVID-19

Votasaun jeneralidade proposta OJE tinan 2023 iha sala plenáriu PN, kuarta (09/11). Imajen TATOLI/Francisco Sony.

DILI, 10 novembru 2022 (TATOLI)—Parlamentu Nasionál aprova proposta-lei númeru 48/V(5a)-prosede renovasaun datoluk medida exesional no temporáriu vijilánsia sanitária resposta pandemia moras COVID-19, extende vijénsia artigu 3 lei númeru 24/2021, 19 novembru.

“Rezultadu votasaun finál globál proposta lei ne’e a-favór 43, abstensaun ida, kontra 0. Nune’e, aprovadu no proposta-lei medida esesionál ba kombate COVID-19 hodi Ministéiru Saúde kontinua implementa durante loron 120 no hahú iha 13 novembru 2022,” Vise Parlamentu Nasionál, Maria Angelina Sarmento, informa ba jornalista sira iha PN, kinta ne’e.

Ho aprovasaun ne’e, proposta-lei ne’e PN sei envia ba Prezidente Repúblika hodi halo promulgasaun, nune’e medida exesionál no temporáriu vijilánsia sanitária resposta pandemia moras COVID-19 bele kontinua implementa, kontinua fase liman bebeik, uza máskara, bele halo auto izolamentu, swap.

“Medida sira-ne’e ita nafatin hala’o maibé la bandu movimentu ema-nian atu lao ida-ne’e mak nosaun ita prolonga tan tempu ba ezekusaun medida exesionál sira-ne’e,” nia dehan.

Tanba tuir lei medida exesionál sira-ne’e nia períoódu loron 120 bainhira hotu extente tan to’o bainhira ita iha ona lei kona-ba sistema saúde.

“Agora lei kona-ba sistema saúde iha ona komisaun F (trata asuntu saúde) finaliza ona diskusaun iha espesialidade no aprezenta ona ba Prezidente Parlamentu nia meza atu enkamiña ba plenária  halo diskusaun bele halo votasaun no bainhira lei vigór mak medida exesionál ne’ebé agora extende tan mak Governu lalika husu bebeik atu extende,” nia esplika.

Tanba Organizasaun Mundiál Saúde fó sai virus ne’e seidauk hotu iha mundu inklui iha Timor-Leste (TL) sei iha pasiente infetadu ativu mezmu númeru ki’ik.

Ministra Saúde (MS), Odete Maria Freitas Belos, hateten Governu husu PN hodi extende medida temporaria vijilánsia sanitária tanba TL kontinua rejista kazu COVID-19.

Nia informa, hosi loron 01-09 fulan-novembru tinan ne’e, TL rejista kazu COVID-19 hamutuk 11, enkuantu kazu kumulativu 79 signfika kada loron ema na’in-ualu halo izolamentu iha uma.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!