iklan

DESPORTU, DILI, HEADLINE

Semana oin, atleta karate-do na’in-lima bá partisipa eventu WKF iha Indonézia

Semana oin, atleta karate-do na’in-lima bá partisipa eventu WKF iha Indonézia

Membru Karate-Do Kusinryu Maliana, Munisípiu Bobonaro halo hela ezersísiu preparasaun atu ba sa’e sintu iha nasionál. Imajen Tatoli/Sérgio da Cruz.

DILI, 10 novembru 2022 (TATOLI) – Prezidente Federasaun Karate-do Timor – Leste (FKTL), Filomino Soares, hateten, semana oin, atleta na’in-lima sei dezloka bá partisipa eventu World Karate-do Federation (WKF) iha Jakarta-Indonézia.

“Partisipasaun ida ne’e hanesan programa Karate-do mundiál nian hakarak ka lakohi, ami tenke partisipa, atu nune’e bele hadi’a ami nia ranking iha federasaun internasionál sira tanba durante ne’e ami seidauk hetan ranking di’ak iha Federasaun intrenasionál”, dehan Prezidente ne’e iha Jináziu Dili, kinta ne’e.

Atleta sira nia partisipasaun iha eventu ne’e la hetan apoiu orsamentu hosi Governu, liuliu Sekretária Estadu Juventude no Desportu (SEJD), maibé estrutura FKTL, família hosi atleta no patrosinadór balun mak tau hamutuk osan hodi finansia atleta sir aba partisipa eventu mundiál ne’e.

“Ami la hetan apoiu ruma hosi SEJD, maske ami hato’o duni proposta ba sira hodi husu fundu $8.000, maibé la aprova, maibé ami bá ne’e nafatin reprezenta nasaun no bandeira RDTL”, katak nia.

Atleta sira arranka bá Indonézia iha 15 novembru no atividade sei hahú 18 to’o 20 novembru tinan ne’e iha Jakarta-Indonézia.

Nasaun hamutuk 100-resin hosi kontinente Europa, Afrika, Estadu Unidu Amérika no Azia mak partisipa iha eventu internasionál ne’e.

Hosi atividade internasionál ne’e hanesan faze ida ba Karate-do hodi koko sira nia forsa bainhira partisipa iha Sea Games tinan oin iha Kamboja.

Atleta na’in lima ne’e kompostu hosi feto rua no mate tolu mak hanesan, Lucia Fernandes sei kompete iha kilo grama 68, Romana dos Santos sei hatudu kata jurus, Luchas da Silva Keffi sei kompete iha kilograma 60, Deonisio Fernandes sei kompete iha kilograma 67 no Jacob Manuel sei kompete iha kilograma 75.

Alende partisipasaun atleta sira nian iha mós treinadór na’in-lima ba tuir formasaun iha Jakarta-Indonézia ne’ebé Federasaun mak finansia rasik. Treinadór na’in lima ne’e mak hanesan, Gilberto Hornai, Francisco, Aprilia Assis Ximenes no Andreas da Silva.

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!