iklan

COVALIMA, POLÍTIKA

Sobrevivente Masakre 12 Novembru husu joven Covalima kria unidade nasionál

Sobrevivente Masakre 12 Novembru husu joven Covalima kria unidade nasionál

Vítima masakre 12 Novembru 1991 iha Semitériu Santa Cruz salva-an iha Pai Nosso nia laran. Imajen/Espesiál.

COVALIMA, 10 novembru 2022 (TATOLI)–Sobrevivente Masakre 12 Novembru, Júlio Moniz Bobo, husu ba joven Covalima-oan sira atu kria unidade nasionál, tanba futuru Covalima  iha joven sira-nia liman.

“Ha’u hateten ba imi joven iha munisípiu Covalima kuda iha imi-nia hanoin mak atu kria unidade nasionál tanba future Covalima iha ita-boot sira-nia liman. Ami harii fó imi, ida-ne’e mak imi tenke kuda, se imi la kuda ne’e oinsa,” Júlio Moniz Bobo husu bainhira sai oradór dahuluk iha semináriu iha salaun Centru Juventude Covalima, Kampung Baru, kinta ne’e.

Iha semináriu ne’e, sobrevivente ne’e sai oradór dahuluk hodi ko’alia tema kona-ba istória ka lala’ok akontesimentu masakre Santra Cruz, 12 Novembru 1991, ba estudante ensinu sekundáriu sira iha Covalima.

Tanba ne’e, nu’udar joven labele hanoin atu buka oho no odiu malu, tanba joven tuir organizasaun ne’e hanesan konxiénsia ema ida-idak ni’an, ho nune’e labele uza organizasaun ameasa malu iha dalan.

“Jerasaun 12 novembru, ami loriku asswa’in 1991 la hanoin buat ne’e, maibé ami hanorin unidade banati tuir ami. Maske uluk ami tuir organizasaun ketak tanba envolve organizasaun, ita dependénsia ba ema ida lalika,” nia informa.

Maske munisípiu Covalima iha lian keta-ketak mak hanesan lian tetun terik no Bunak kahur malu ho lian Kemak balun, maibé Suai ida de’it. Tanba ne’e fó hanoin ba Centro Juventude atu konvida joven sira iha postu adminsitrativu sira atu konsentra hotu iha CJC atu forma programa.

“Ha’u fó hanoin ba CJC bolu joven sira iha postu administrativu sira konsentra iha CJC. Se bainhira konvida mak la mai signifika nia la’ós jersaun ukun rasik an. Bolu mai, nune’e atu forma progama ruma,” nia dehan.

Reprezentante Administradór munisípiu Dili, Francisco da Costa Tatamero, ne’ebé ko’alia tema “Valoriza juventude rezisténsia sira-nia luta ba libertasaun hodi konstrui no dezenvolvimentu munisípiu Covalima ba iha future” no tema ne’e pertinente tebes.

“Tema ne’e pertinente tebes atu ko’alia iha semináriu ida-ne’e tanba istoria mak hun no abut ba dezenvolvimentu nasionál. Tanba ne’e mak ohin loron ita ukun rasik an hodi harii nasaun no Governu hodi implementa programa,” nia hateten.

Ho nune’e, joven sira labele hanoin atu halo buat ne’ebé ladi’ak, joven sira foku ba eskola maske ohin loron veteranu sira mak sei kaer ukun. Maibé joven tenke prepara an atu troka veteranu sira liuhosi prosesu.

Prezidente komisaun organizadór 12 Novembru, Elizio Gusmão, reforsa Centro Juventude Covalima realiza semináriu ne’e hodi komemora loron nasionál juventude, 12 novembru, hodi kovida oradór sira fahe sira-nia esperénsia ba joven sira.

“Ami konvida oradór na’in-rua ho nia tema Kaer metin valores juventude rezistensia ni’an hamutuk ita konstrui nasaun ho esperansa ba futuru hodi inspura joven sira sai joven ne’ebé miliniál atu inspira no hodi banati tuir nafatin fó onra no hanai asswa’in sira-ne’ebé mak ultra pasa,” nia dehan.

Komemora loron nasional 12 novembru ne’e sei hala’o atividade semináriu, limpeza jerál, kalan reflesaun no misa agredsimentu no hafoin ne’e sei tau ai-funan iha monumentu setembru negro 1999 ne’ebé prevee orsamentu $500.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!