iklan

INTERNASIONÁL, DILI, HEADLINE

ASEAN aseita ona submisaun Timor-Leste sai membru ba dala-XI

ASEAN aseita ona submisaun Timor-Leste sai membru ba dala-XI

Imajen/Espesial

DILI, 11 novembru 2022 (TATOLI) – Liuhosi reuniaun nasaun membru no líder Asosiasaun Nasaun Sudeste Aziátiku (ASEAN) nian hotu, ne’ebé hala’o iha sesta (11/11) ne’e, iha Kamboja aseita ona submisaun Timor-Leste sai hanesan membru loloos iha organizasaun rejionál ne’e hodi kompleta ba nasaun membru ba dala-XI.

Pozisaun Timor-Leste nian tama hanesan membru bainhira ASEAN realiza simeira organizasaun nian ba dala 40 no 41 iha sidade Phnom Penh Kamboja.

Iha komunikadu ne’ebé Agência TATOLI asesu katak aprova totál Timor -Leste adere ba membru ASEAN mak fó autorizasaun ba Timor – Leste bele partisipa iha reuniaun bo’ot ASEAN nian, plenária no simeira sira.

Lider hotu ASEAN nian halo formalizasaun ba kritéria ho objetivu ba plena adezaun Timor – Leste inklui mós marka identifikasaun iha relatóriu iha misaun Averiguasaun konduz hosi pilar tolu komunidade ASEAN.

“Kamboja apoiu totalmente ba adezaun Timor – Leste nian no sempre ajuda Timor – Leste atu sai hanesan membru ASEAN, maske sei iha dokumentu ne’ebé Timor – Leste presiza kompleta”, refere komunikadu ne’e.

Timor –Leste hatama proposta atu sai membru ASEAN iha tinan 2011 maibé lori prosesu naruk tanba nasaun membru balu konkorda no balun la konkorda ho nune’e Timor – Leste nafatin halo aprosimasaun ho nasaun membru hotu halo tuir kriteria saida mak ASEAN sekretariadu husu ikus mai iha tinan 11 nia laran Timor – Leste konsege sai ona hanesan membru permanente ASEAN.

Proposta ne’e inisia hosi kuartu Governu konstitusionál la konsege iha solusaun, mai kintu Governu, sestu Governu, setimu Governu nafatin laiha solusaun no iha oitavu Governu ne’ebé lidera hosi Primeiru Ministru Taur Matan Ruak iha duni solusaun ba adezaun Timor – Leste adere hanesan membru lolos.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!