Governu estabelese ona eskola pre-eskolár 16 iha Covalima
COVALIMA, 11 novembru 2022 (TATOLI)–Diretór Servisu Edukasaun Covalima, Rui Amaral Suri Seran informa, Governu liuhosi Ministériu Edukasaun Juventude no Deportu (MEJD) estabelese ona eskola pre-eskolár 16 iha munisípiu covalima.
“Konstrusaun tinan oin mak sei halo konstrusaun eskola pre-eskolar iha postu administrativu Fatumea sei iha planu iha EBC Belulik Kraik iha suku ne’ebé Governu seidauk konstui eskola pre-eskolár fazeadamente sei konstrui pre-eskolár 16, ita sei funsiona 2023 hein profesór kontradu mai atu enkaixa nune’e bele funsiona,” Diretór Servisu Edukasaun ne’e hateten ba Agência Tatoli iha-nia servisu fatin, Santa Rosa, sesta ne’e.
Ensinu pre-eskolar ne’ebé balun iha ona planu maibé seidauk funsiona iha tinan 2023 maibé iha Covalima estabelese ona eskola pre-eskolár iha suku 16 no falta suku 14 mak seidauk estabelese eskola pre-eskolár.
Dadus suku ne’ebé estabelese ona eskola pre-eskolár , hanesan iha suku debos ,Camanaça, Suai-Loro, Labarai, Ogues,matai belekasak ,lalawa,beiseuk,maudemo kasabauk,fohorem dato-rua ,bee lulik leten,taroman no suku zulo.
Munisípiu Covalima iha postu administrativu sira hanesan Fatululik, Fatumea, Fohorem, Maucatar, Tilomar, Ssuai no Zumalai ho nia suku tolu (3), no hosi suku tolu ne’e Governu estabele ona eskola pre-eskolár iha suku 16 falta de’it suku 14 mak seidauk estabelese.
Jornalista : Celestina Teles
Editór : Cancio Ximenes
