iklan

COVALIMA, POLÍTIKA

Konselu veteranu lansa programa insentivu ba estudante veteranu oan iha Covalima

Konselu veteranu lansa programa insentivu ba estudante veteranu oan iha Covalima

Prezidente Konsellu Veteranu Munisípiu Covalima, Osorio Soares “Mausoko”. Imajen Tatoli/Celestina Teles.

COVALIMA, 11 novembru 2022 (TATOLI)–Konselu Kombatente Libertasaun Nasionál munisípiu Covalima liuhosi grupu 12 de Outubru Foho Tetuk halo lansamentu programa insentivu ba estudante kombatente grau 0-3 no 4-7 nia oan ne’ebé ativu estudu iha universitáriu no programa insentiviu hakbiit ekonómia ba família antigu kombatente libertasaun nasionál iha Covalima.

“Osan ne’ebé mak entrega ba ita-boot sira uza ba nesesidade eskola labele fó inan-aman sira atu uza. Ha’u mós sei buka hanete tuir iha reitór universidade sira maibé agradese estudante balun livre ona balun foin semester IV no apiu insentivu ba grupu bazea ba proposta ne’ebé grupu sira hato’o,” Prezidente Konsellu Kombatente Libertasaun Nasional Covalima, Osório Soares “Mausoko” hato’o liuhosi nia diskursu, iha resintu Konsellu Veteranu Covalima, Tabakolot, sesta ne’e.

Nia husu estudante sira bainhira sai hosi Covalima ba eskola iha universidade la’ós administradór sira-nia oan maibé agrikultór sira-nia oan tenke foku ba eskola konstrui prontu kontinua ajuda ba estudante sira-ne’e

Programa insentivu edukasaun ba kombatente hamutuk estudante na’in-20 estudu iha  universidade sira hanesan  UNITAL, UNTL, IOB, Institutu Superiór Cristal, UNDIL, UNPAZ no  ICS ne’ebé kada estudante entrega osan ho valór 500.00 ho nune’e ba prgrama ne’e osan hamutuk 10.000

Aleinde fó insentivu ba estudante fó mós ba grupu rua ne’ebé ida foku ba haki’ak karau no mós grupu halibur fini ne’ebé kada grupu apoiu orsamentu $4, 500.00 hodi hakbiit ekonamia liuhosi grupu sira.

Iha Covalima foin fó ba grupu rua tanba grupu sira seluk iha área rurál rede ladún di’ak atu komunika ho sira tanba ne’e ba oin sei forma, tanba grupu iha postu sira seluk ne’ebé mak seidauk estabelese grupu.

Reprezentante administradór munisípiu Covalima, Francisco da Costa Mendonça “Tatamero”, hateten fundu ne’ebé mai hosi Governu fó insetivu liuhosi konselu veteranu fundu hanesan ne’e hosi ministériu barak mak fó apoiu insentivu ho programa hanesan.

“Sekretáriu estadu Juventude no Desportu nia atividade apoiu insentiviu grupu hakbiit ekonomia programa foku ba agrikutura ohin ha’u rona ida-ne’e iha programa hanesan MAP mós iha forma grupu apoiu insentivu,” nia dehan.

Governu foku apoiu insentivu foku agrikultura mak sai baze fundamentu ba ekonomia atu hadi’a moris povu nian liverta patria hotu ona, entaun atu liberta povu tenke hahú hosi pilar ekonómia, ba munisípiu mak hanesan kapitál sosiál, infreestrutura, ekonómia no instituisionál.

Konselu veteranu mós iha insentivu atu fó ba estudante universitáriu atu fasilita estudante sira selu propina no uza ba nesesidade eskola, no grupu ne’e atu dezenvolve grupu ba moris di’ak osan ne’e ho rotativu.

Koordenadora grupu 12 Outubro Foho Tetuk, Pasquela dos Reis Amarál, hato’o agradesimentu  ba programa VIII konstituisionál hodi fó apoiu insetivu ba estundante universitáriu kombatente grau 0-3 no 4-7 nia oan no hakbiit ekonamia família

“Fundu ne’ebé mák ita apoiu insentivu mai hosi SASCAS ho nia totál orsamentu $38,461 ne’ebé fahe ba programa ekonomia, edukasaun ho nia orsamentu $30.000.00 no apoiu operasionál $8,641. Programa ida-ne’e hanesan programa pilotu,” nia hateten.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!