iklan

DILI, POLÍTIKA

PN aprova proposta OJE 2023 ba PM-PCM iha espesialidade

PN aprova proposta OJE 2023 ba PM-PCM iha espesialidade

Votasaun jeneralidade proposta OJE tinan 2023 iha sala plenáriu PN, kuarta (09/11). Imajen TATOLI/Francisco Sony.

DILI, 11 novembru 2022 (TATOLI)—Parlamentu Nasionál (PN) aprova proposta-lei Orsamentu Jerál Estadu (OJE) 2023 ba Primeiru-Ministru (PM) ho Prezidénsia Konsellu Ministru (PCM, siglá portugés) iha faze espesialidade.

“Rezultadu votasaun orsamentu ba Primeiru-Ministru a-favór 39 kontra 0 no abstensaun 20, nune’e pasa,” Prezidente PN, Aniceto Longuinhos Guterres Lopes, fó sai iha sala plenária, sesta ne’e.

Proposta OJE 2023, Primeiru Ministru (PM) prevee $4,400,630, hodi kontinua implementa programa prioridade rua.

Tuir livru anexu XI planu anuál ba serbisu no entidade setór públiku administrativu, ba 2023   gavinete PM iha Programa seguransa nasionál ho sub-programa pás no seguransa interna ho atividade sekretáriadu komisaun interministeriál seguransa.

Programa boa-governasaun no jestaun instituisional ho sub-programa boa-governasaun nia atividade planeamentu, dezenvolvimentu estratéjiku no orientasaun polítika, apoiu jurídiku, kooperasaun entre ajénsia nasionál no internasionál, sub-programa jestaun instituisional ho atividade rua.

Sub-programa supervizaun no orientasaun reforma ba implementasaun programa governamental ho atividade ida.

Proposta orsamentu ba PCM aprovadu

PN mós aprova proposta OJE 2023 ba Prezidénsia Konsellu Ministru ho votu  a-favór 39, kontra 0 no abstensaun 20.

PCM iha proposta OJE 2023 prevee ho montante $4,758,338.

Ba tinan fiskál 2023 PCM iha programa reforma Estadu prevee $69,188 ho sub-programa reforma administrativa nia atividade propor planu desburokratizasaun administrasaun públika, elaborasaun proposta prosedimentu komunikasaun instituisional, apoiu serbisu órgaun administrasaun ho efisiénsia ho prosedimentu, elabora proposta revizaun polítika nasionál fortalesimentu instituisional.

Programa boa-governasaun no jestaun instituisional prevee $ 4,144,622 ho sub-programa boa-governasaun no atividade planeamentu dezenvolvimentu estratéjiku no orientasaun polítika, inspesaun fiskalizaun no auditoria, sub-programa jestaun instituisionál ho atividade hitu, sub-programa parseria ho atividade ida.

Sub-programa apoiu Primeiru-Ministru iha koordenasaun Governu no prezidénsia KM ho atividade apoiu Primeiru-Ministru iha koordenasaun Governu, reprezentasaun KM no PM, koordenasaun prezidénsia KM, subsídiu ba menbru Governu.

Sub-programa koordenasaun legál KM ho atividade neen, sub-programa komunikasaun estratéjika Governu no promosaun sidadania ho atividade lima, sub-programa prestasaun serbisu tradusaun ho atividade haat.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!