iklan

JUSTISA, COVALIMA

CAC hahú rejistu rendimentu bens-interrese hosi autoridade Covalima

CAC hahú rejistu rendimentu bens-interrese hosi autoridade Covalima

CAC fahe Informasaun no hahú rejistu deklarasaun bens no interrese ba autoridade Covalima. Imajen Tatoli/Celestina Teles.

COVALIMA, 14 novembru 2022 (TATOLI)–Komisaun Antí Korupsaun (CAC, sigla portugés) hahú halo rejistu rendimentu bens no interrese hosi autoridade Covalima, kargu xefia ho funsionáriu efeitu sira iha Covalima.

Espesialista Komisaun Antí Korupsaun, Belito Marçal, hateten CAC rejistu deklarasaun rendimentu bens no interrese hosi autoridade Covalima hahú hosi administradór munisípiu ho funsionáriu kargu xefia bazea ba dekretu-lei nímeru 7/2020, hahú Prezidente Repúblika, Primeiru-Ministru ho nia membru Governu, prezidente parlamentu nasional ho nia membru to’o autoridade lokál ho nia funsionáriu sira hodi halo rejistu rendimentu bens no interrese ba CAC.

Antes ekipa CAC   atu halo rejistu, maibé ekipa espesialista CAC sira halo uluk aprezentasaun oinsa atu rejistu deklarasaun rendimentu bens no intrese ba autoridade Covalima.

“Prosesu rejistrasaun ita hahú ohin maibé molok atu halo rejistrasaun ami sei halo aprezentasaun kona-ba sistema ne’e, oinsá atu asesu sistema hodi prenxe deklarasaun sira no dokumentu sira-ne’ebé mak ita presiza hafoin ita komesa loke rejistrasaun,” Belito Marcal hato’o liuhosi nia diskursu iha salaun AMC, Sukaer Laran, segunda ne’e.

Lei númeru 7/2020 liga ba kapitulu 2 kona-ba rejime deklarasun rendimentu bens no intrese ho objetivu atu prevene konfilitu intrese ,monitoriza no  buka hatene  rendimentu sira no riku soin ne’ebé maluk la justifikadu

Tanba ne’e CAC ho ekipa mai iha covalima atu atende loke prosesu rejistu deklarasaun rendimentu bens no intrese hosi autoridade covalima hahú hosi administradór munisípiu to’o funsionáriu efeitu sira  mak hanesan funsionariu  ne’ebé  ofisiál aprovizionamentu no gabinete inspesaun auditória no funsionariu sira  ne’ebe servisu alfandega imigrasaun server IP ,Rejistu notariadu no diresaun transporte no komunikasaun

Tuir lei númeru 7/2020 artigu 28 tribunal sei simu deklarasaun rendimentu hosi deklarante sira mak hanesan prezidente repúblika PM ho membru governu tomak komisariu CAC ho nia funsionariu sira hodi deklara sira-nia rendimentu ba autoridade tribunal rekursu

“Ekipa cac iha covalima durante semana ami husu kolaborasaun partisipa masimu ita bele presta deklarasaun balun la konsege bele tuir ami iha ainaro sei lae ba iha dili bele liuhosi WhatshApp. Lei númeru 7/2020 artigu 48 to’o 55 define kona-ba sansaun no inflasaun bainhira deklarante la kumpre lei númeru 7/2020,” nia dehan.

Administradór Munisípiu Covalima, Francisco de Andrade, hato’o agradese ba espesialista hosi Komisaun Antí korupsaun (CAC-Sigla portugés) ne’ebé fahe informasaun no halo rejistu deklarasaun rendimentu bens no interrese hosi autoridade Covalima

“Ha’u agradese espesialista atu ita hahú atu prenxe hodi deklara deklarasaun rendimentu bens no interrese kada funsionáriu sira, nune’e kada funsionáriu sira atu labele monu hodi hakfodak nune’e fó hanoin antes bainhira seidauk asumu kargu no hafoin asumi kargu ema dehan riku deerepente,” nia hateten.

Tanba ne’e, autoridade Covalima husu ba administradór postu administrativu no kargu xefia no funsionáriu sira, tenke akompañia informasaun ho foku nune’e bainhira halo rejista laiha ona difikuldade.

Jornalista : Celestina Teles

Editór       :  Cancio Ximenes

iklan
iklan

Leave a Reply

iklan
error: Content is protected !!