iklan

HEADLINE, MUNISÍPIU, OÉ-CUSSE (RAEOA), REFLESAUN, SOSIEDADE SIVĺL

Kardeál Virgílio husu krismandu 148 iha RAEOA muda hahalok hametin fiar ba Maromak

Kardeál Virgílio husu krismandu 148 iha RAEOA muda hahalok hametin fiar ba Maromak

Kardeál Virgílio husu krizmandu 148 iha RAEOA muda hahalok hametin fiar ba Maromak. Imajen Tatoli/ Abilio Elo Nini.

OÉ-CUSSE, 14 novembru 2022 (TATOLI) –  Kardeál Don Virgílio do Carmo da Silva, segunda ne’e fó sakramentu krisma ba sarani na’in-148 iha kapela Santa Maria Magdalena Maquelab, parókia Nossa Señora Dorosariu Numbei, Rejiaun Administrativa Espesiál Oé-Cusse Ambeno (RAEOA).

Iha omília, Eminénsia Kardeál Don Virgíliolio do Carmo da Silva, husu krizmandu sira-ne’ebé simu sakramentu krizma, presiza muda hahalok no hafoun hametin fiar ba Nai Maromak nu’udar sarani Kátolika iha Timor-Leste.

“Foinsa’e 148 ohin simu ona sakramentu krizma, imi simu sakramentu krizma ne’e katak, imi sei sai hanesan sinál domin ninian ba sarani hotu, sinál dame ninian, sinál sasin Maromak moris iha ita-nia leet, presizaa muda hahalok, hafoun imi-nia neon hodi hametin ita-nia fiar ba Nai Maromak, hanesan sarani Katólika iha Timor-Leste,” Kardeál Don Vírgilio do Carmo da Silva SDB, nia omília bainhira prezide misa iha kapela Maquelab, Oé-Cusse.

Dirijente Igreja Kátolika Timor-Leste ne’e apela ba krizmandu sira, atu tau lilin iha órtoriu, nune’e bainhira hetan susar ruma, bele halakan fali lilin ne’e hodi husu harohan liuhosi orasaun.

Nia husu ba krizmandu sira, katak, promesa batizmu ne’e labele iha uma-de’it, maibé promesa iha moris tomak.

“Halakan o-nia lilin, Maromak nia espíritu loke o laran no fuan atubele hakmatek,” nia fó hanoin.

Nia informa, krizma la fó ba labarik, maibé fó ba ema boot, ema boot katak, ema-ne’ebé hatene ona ninia responsabilidade.

Nune’e hafoin omília, akolitu sira sunu lilin hahú hosi lilin boot to’o lilin ki’ik, hafoin sunu, Kardeál Don Vírgilio, husu krizmandu sira katak, “hamriik no hakmatek’ naroman sei to’o iha ita-nia boot sira-nia fatin, sakramentu krizma ne’e hanesan prekursu inisiasaun, sakramentu ida-ne’e hanesan mós símbolu uma-kreda nian”.

Kardeál Don Vírgilio husik hela mensajen ikus ba krizmandu sira katak, atu banati tuir saida maka Jesus hatudu ona, katak molok Jesus mate, tatoli hela “pás hela ho imi”, nune’e mós hafoin moris hias. Nia dehan, “hakmatek iha fatin”, rahun di’ak ba sira-ne’ebé la haree maibé fiar.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!