Top

PN aprova OJE 2023 ba Ministériu Saúde

Primeiru-Ministru, Taur Matan Ruak. iha diskusaun proposta orsamentu OJE 2023 iha sala plenária PN, segunda (14 novembru 2022). Imajen Tatoli/António Daciparu.

DILI, 14 novembru 2022 (TATOLI)—Parlamentu Nasionál (PN) aprova proposta-lei Orsamentu Jerál Estadu (OJE) 2023 ba Ministéiru Saúde (MS) iha espesialidade.

“Rezultadu votasaun a-favór a-favór 40, kontra 0 no abstensaun 21. Nune’e, Orsamentu Jerál Estadu (OJE) 2023 ba Ministéiru Saúde (MS) aprovadu,” Prezidente Parlamentu Nasionál, Aniceto Longuinhos Guterres Lopes, hateten iha debate proposta OJE 2023 faze espesialidade loron datoluk iha sala plenária, segunda ne’e.

Iha proposta-lei Orsamentu Jerál Estadu 2023 ne’e, Ministériu Saúde (MS) prevee orsamentu ho montante $63,158,816.

Ministéiru Saúde iha programa boa-governasaun no jestaun instituisionál prevee $8,120,800 ho sub-programa boa-governasaun ho atividade neen (5), sub-programa jestaun instituisionál ho atividade hitu (7), sub-programa parseira ho atividade rua (2), sub-programa suporta desentralizasaun saúde ho atividade rua (2), sub-programa rejistu serbisu saúde ho atividade rua (2).

Programa saúde  prevee $55,022,716 ho sub-programa dezenvolvimentu rekursu umanu ba atende prokura forsa traballu saúde ho atividade haat (4), sub-programa kontrola moras transmisiveis ho atividade neen (6), sub-programa nutrisaun ho atividade tolu (3), sub-programa jestaun saúde públika ho atividade 10, sub-programa kontrola moras la transmissíveis ho atividade lima (5).

Sub-programa saúde materna no infantil ho atividade haat (4), sub-programa insfraestrutura no kuidade primáriu saúde ho atividade tolu (3), sub-programa serbisu internamentu ho atividade tolu (3), sub-programa serbisu ambulatória ho atividade tolu (3), sub-programa serbisu apoiu médiku ho atividade haat (4), sub-programa jestaun médika no farmaseutika ho atividade tolu (3), sub-programa jestaun farmaseutika no regulamentasaun ho atividade rua (2).

Programa igualidade jeneru no inkluzaun sosiál prevee $15,300 ho sub-programa abordajen jeneru ho atividade tolu (3).

Orsamentu MAE aprovadu

Aleinde ne’e, PN aprova espesialidade proposta-lei OJE 2023 ba Ministéiru Administrasaun Estatál (MAE) ho votu a-favór 39, kontra 0 no abstensaun 23.

MAE prevee $113.183.197 ba tinan oin hodi implementa programa tolu hanesan dezentralizasaun administrativu no podér lokál aloka $101.880.345, programa boa-governasaun no jestaun instituisional $11.263.892, programa igualidade jeneru no inkluzaun $38.960.

Enkuantu debate ne’e ministéiru rua ne’e laiha proposta ruma hosi deputadu sira, nune’e avansa de’it ba votasaun.

Notísia Relevante: MAE propoin millaun $113 ba proposta OJE 2023

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!