iklan

DILI, POLÍTIKA

PN aprova OJE 2023 ba MTKI millaun $15-resin ho votu a-favór 36

PN aprova OJE 2023 ba MTKI millaun $15-resin ho votu a-favór 36

Imajen/Media PR.

DILI, 15 novembru 2022 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2023 ho montante $15,002,853 ba Ministériu Turizmu Komérsiu no Indústria (MTKI) iha espesialidade ho votu a-favór 36, kontra hitu no abstensaun 18.

“Nune’e, OJE 2023 ba MTKI aprovadu,” Prezidente Parlamentu Nasionál, Aniceto Longuinhos Guterres Lopes hateten iha debate proposta OJE 2023 faze espesialidade ba loron dahaat iha sala plenária, tersa ne’e.

Montante orsamentu ne’e, MTKI iha programa boa-governasaun  jestaun instituisionál ho sub-programa tolu no atividade 11.

Programa turizmu prevee ho sub-programa kontrola regularizasaun no industralizasaun atividade jogu rekreativu ho atividade tolu (3), sub-programa promosaun Timor-Leste hanesan distinu turístiku ho atividade sia (9), sub-programa dezenvolvimentu turizmu komunitária ho atividade ida (1), sub-programa dezenvolvimentu no jestaun no intalasaun turístika iha TL ho atividade haat (4), sub-programa dezenvolmentu setór privadu iha área turizmu ho atividade tolu (3).

Sub-programa polítika dezenvolvimentu turizmu iha Timor-Leste ho atividade tolu (3), sub-programa dezenvolvimentu no jestaun instalasaun turístika no kulturál iha Timor-Leste ho atividade ida (1).

Programa investimentu no diversifikasaun ekonómika ho sub-programa regulamentasaun kontrolu inspesaun no monitorizasaun atividade ekonómika ho atividade haat (4), sub-programa dezenvolvimentu polítika ekonómika no komérsiu ho atividade tolu (3), sub-programa dezenvolve no promove atividade komérsiál ho atividade lima (5), sub-programa dezenvolvimentu infraestrutura fízika komérsiu ho atividade rua.

Sub-programa apoiu dezenvolvimentu indústria nasionál ho atividade lima (5), sub-programa kriasaun sentru dezenvolvmentu industriál ho atividade tolu (3), sub-programa dezenvolve polítika nasionál indústria ho atividade lima (5).

OJE 2923 millaun $28-resin ba MAP pasa

Aleinde ne’e, Parlamentu Nasionál (PN) aprova proposta-lei OJE 2023 ba Ministériu Agrikultura no Peska (MAP) ho montante $28.345.619 iha espesialidade ho votu a-favór 40 kontra 0 no abstensaun 22.

Programa boa-governasaun no jestaun instituisionál $9.290.057 ho programa agrikultura $22.088.548.

Iha debate ne’e, deputada CNRT Fernanda Lay aprezenta proposta rua (2) ne’ebé husu atu ko’a osan hosi MTKI no MAP maibé iha votasaun la pasa.

Jornalista : Nelson de Sousa

Editór        : Cancio Ximenes   

iklan
iklan

Leave a Reply

iklan
error: Content is protected !!