iklan

DILI, POLÍTIKA

Movimentu Tane RDTL husu PN konsentra iha dezenvolvimentu nasionál

Movimentu Tane RDTL husu PN konsentra iha dezenvolvimentu nasionál

Ne'e mak situasaun, diskusaun no votasaun OJE 2023, iha sala plenária PN, segunda (14/11/2022).Imajen Tatoli/António Daciparu

DILI, 16 novembru 2022 (TATOLI)–Portavós Movimentu Tane RDTL, Bento Alberto Carlos, husu Parlamentu Nasionál (PN) atu konsentra iha polítika dezenvolvimentu nasionál tanba povu sei halerik ba infraestrutura bázika sira iha Timor-Leste.

“PN tenke konsentra ba diskuti polítika dezenvovimentu nasionál, la’ós ko’alia fali mak luta no terus tanba estadu rekuiñese ona. Ha’u jerasaun luta na’in, tan de’it ha’u moris ikus maibé ha’u iha vontade ba luta libertasaun povu, tanba luta ne’e mai hosi ha’u-nia vontade. Ha’u iha vontade tanba responsabilidade hanesan sidadaun ida iha Timor-Leste,” Portavós ne’e hateten ba jornalista sira, iha salaun Hak, Farol, Dili, kuarta ne’e.

Hanesan jerasaun kontinuadór ba dezenvolvimentu nasionál, nia dehan, liuhosi ninia observsaun situasaun mak la di’ak, sira sei interven no garante ema-nia lian iha públiku através mídia, tanba timoroan nia responsabilidade ida nune’e husu PN tenke konsentra iha polítika dezenvolvimentu nasionál.

Portavós ne’e sublina katak bainhira laiha solusaun mak Movimentu Tane RDTL sei hamutuk ho Aliansa Movimentu Nasionál sira seluk sei kontinua halo manifestasaun iha resintu Universidade Nasionál Timor-Leste (UNTL).

Tanba tuir nia katak povu iha Suku Manelobas ne’ebé hanesan mate restu hosi postu administrativo Maubise, munisípiu Ainaro ba luta libertasaun da pátria, durante ne’e halerik hela ba ahi (eletrisidade) no estrada.

“Deputadu sira la halo fiskalizasaun maibé sira diskute mak pazero, nune’e halo povu iha Suku Manelobas lakon esperansa iha nia rain rasik,” nia hateten.

Tanba ne’e, Movimentu Tane RDTL husu ba PN halakon lei pensaun vitalisia no presiza halo diskusaun hodi konsentra liu ba dezenvolvimentu ne’ebé bele hakonu povu ne’e nia vontade tanba maioria halerik hela infraestrutura sira.

PN laiha pensamentu rasionál hodi realiza kompromisiu nasionál ba libertasaun do povu, nune’e bele atinje objetivu Estadu nian ne’ebé prevee iha konstituisaun RDTL artigu 6.

Ho kestaun hirak ne’e mak asaun pasifiku ne’ebe organiza husi AMN, Joventude no Uversitáriu sira hotu durante loron hirak nia laran, ho objetivu atu asegura povu Timor-Leste nia osan hosi grupu elite sira-nia interrese.

“Nune’e Movimentu Tane RDTL haree katak reprezentante povu iha uma fukun PN laiha ona seriedade, tanba ita hatene PN hanesan órgaun fiskalizadór maibe to’o agora PN la hala’o fiskalizasaun ikus mai mosu problema,” nia dehan.

Jornalista : Osoria Marques

Editór      : Cancio Ximenes

iklan
iklan

Leave a Reply

iklan
error: Content is protected !!