iklan

DILI, POLÍTIKA

Orsamentu CNE millaun $10-resin aprova iha espesialidade ho votu a-favór 60

Orsamentu CNE millaun $10-resin aprova iha espesialidade ho votu a-favór 60

Situasaun iha diskusaun proposta orsamentu OJE, iha sala plenáriu PN, segunda (14/11/2022).Imajen Tatoli/António Daciparu

DILI, 16 novembru 2022 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2023 ho montante $10,270,722 ba Komisaun Nasionál Eleisaun (CNE, siglá portugés) iha espesialidade ho votu maiória.

“Rezultadu votasaun OJE 2023 ba CNE ho votu a-favór 60, kontra 0 no abstensaun ida, nune’e aprovadu,” Prezidente PN, Aniceto Longuinhos Guterres Lopes, hateten iha debate proposta OJE 2023 faze espesialidade iha PN, kuarta ne’e.

Proposta OJE 2023 CNE ne’e sei implementa programa boa-governasaun no jestaun instituisionál ho sub-programa boa-governasaun ho atividade ida (1), sub-programa jestaun instituisional ho atividade lima (5), sub-programa parseria ho atividade alarga parseria kooperasaun.

Sub-programa supervizaun rejistu sidadaun no operasaun eleitorál ho atividade supervizaun rejistu eleitór sistema baze dadus, sub-programa rekursu umanu afetu prestasaun serbisu ho atividade ida (1).

Sub-programa promove esklaresimentu kona-ba aktu eleitorál ho atividade hanesan semináriu, workshop, debate, talkshow no konferénsia aktu eleitorál, atividade divulga informasaun ba eleitór kona-ba aktu eleitorál liuhosi meiu komunikasaun sosiál, atividade estabelesimentu sentru edukasaun sívika.

Jornalista : Nelson de Sousa

Editór      : Cancio XImenes

iklan
iklan

Leave a Reply

iklan
error: Content is protected !!