Top

PN aprova fundu COVID-19 millaun $18-resin

Ilustrasaun COVID-19. Imajen/Espesiál

DILI, 16 novembru 2022 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2023 ho montante $18,312,599 ba iha fundu COVID-19 iha espesialidade ho votu a-favór 51, kontra 0 no abstensaun 12.

“Nune’e orsamentu ba fundu CCOVID-19 pasa,” Prezidente PN, Aniceto Longuinhos Guterres Lopes, hateten iha debate proposta OJE 2023 faze espesialidade iha PN, kuarta ne’e.

Enkuantu tinan oin orsamentu ne’e hodi implementa programa saúde ho sub-programa garante kuarantena adekuadu ho atividade lima, sub-programa identifika kazu COVID-19 no deteta kontaktu ho atividade.

Sub-programa izola no tratamentu kazu COVID-19 ho atividade rua, sub-programa reforsa medida distansiamentu sosiál, ijiene no protesaun sosiál iha komunidade ho atividade haat (4), sub-programa apoiu operasaun no prevensaun ho mitagasaun COVID-19 ho atividade ida (1).

Sub-programa planu kontijénsia ba COVID-19 ho atividade ida (1), sub-programa vasinasaun ba prevensaun COVID-19 ho atividadade haat (4).

Notísia Relevante: https://tatoli.tl/2022/11/10/pn-aprova-renovasaun-medida-exesional-prevensaun-covid-19/#

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!