iklan

NASIONÁL, POLÍTIKA

Uma-kain 37 iha Caicoli sai benefisiáriu ba UKL+ B

Uma-kain 37 iha Caicoli sai benefisiáriu ba UKL+ B

Xefe Suku Caicoli, Hipolito Marques Ximenes. Imajen/Osória Marques.

DILI, 16 novembru 2022 (TATOLI)—Xefe suku Caicoli, postu administrativu Vera Cruz, munisípiu Dili, Hipólito Ximenes Marques, hateten uma-kain 37 iha suku Caicoli mak sai benefisiáriu ba Uma Kbiit Laek Plus (UKL+) iha tinan ne’e.

“Ami Caicoli, hetan Uma Kbiit Laek Plus B hamutuk 37 no kada aldeia hetan uma hitu (7),” Hipólito Ximenes haktuir ba Agência Tatoli, iha sede suku Caicoli, Dili, kuarta ne’e.

Lideransa komunitária ne’e hatutan benefisiáriu sira-ne’e hetan ona aprovasaun hosi ministériu relevante no hein iha uma, nune’e simu materiál konstrusaun nian hanesan zinku no pregu sira.

“Ita hein de’it bainhira mak Governu atribui ba ita-nia benefisiáriu sira, tanba daudaun ne’e ekipa sei halo verifikasaun ba uma ne’ebé hetan ona aprovasaun hosi parte relevante,” nia dehan.

Entretantu orsamentu retifikativu ne’ebé Parlamentu Nasionál aprova no hetan ona promulgasaun hosi Eis Prezidente Repúblika, Francisco Guterres Lú Olo, hodi finansia medida komplementár sira, nune’e programa Uma Kbiit Laek Plus ho orsamentu alokadu millaun $25 ba UKL Plus B hamutuk 5.000 no ba UKL Plus A hamutuk 1.000, iha territóriu nasionál.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!