iklan

DILI

AMD kontrata kamioneta 50 raut lixu kada loron selu $3.250

AMD kontrata kamioneta 50 raut lixu kada loron selu $3.250

Pesoál saneamentu (traballadór sira) raut hela lixu ne’ebé komunidade soe iha estrada ibun área Comor, tersa (18 janeiru 2022). Imajen Tatoli/António Dasiparu.

DILI, 17 novembru 2022 (TATOLI)– Diretór Departamentu Saneamentu Dili, Hermínio Moniz Ribeiro, hateten, Autoridade Munisípiu Dilil (AMD) kontrata kamioneta 50 hodi raut lixu iha Dili laran ne’e kada kamioneta ida selu $65, nune’e kada loron AMD selu $3.250.

“Autoridade Munisípiu Dili (AMD) asina kontratu ho empreza ne’ebé raut lixu ne’e, loron ida ita selu karreta ida $65,” Hermínio Moniz Ribeiro hateten ba Agência Tatoli, iha nia kna’ar fatin, Matadouro, Dili.

Nia dehan kamioneta hirak ne’e rekolla foer iha kapitál Dili hahú hosi tuku 05h00 no kada kamioneta tula dala tolu.

Entratantu pesoál saneamentu iha Dili hamutuk 200 no hosi númeru ne’e fahe 100-resin koloka iha jardin hodi halo limpeza iha arruamentu sira, 20-resin koloka ba iha lixeira Tibar nian no 20-resin mak AMD koloka no sai asisténsia ba loron nasionál hodi monta lona no seluk tan.

“200 ne’e la inklui ho ita-nia pesoál sira-ne’e raut lixu no tau iha kamioneta ne’e, sira-ne’e empreza mak selu,” nia dehan.

Husu kona-ba dezafiu, nia hatán, dezafiu ne’e barak tanba komunidade seidauk iha konxiensia hodi soe lixu iha fatin lixu ne’ebé Governu prepara ona iha fatin públiku.

Dezafou seluk mak ekipamentu ne’ebé ho manuál tebes, nune’e susar ba pesoál saneamentu sira atu rekolla lixu ho lalais tanba komunidade iha kapitál Dili ne’e kada loron prodús lixu tonelada 220.

Entretantu, kompañi sira-ne’ebé AMD kontrata no daudaun foti lixu iha sidade Dili ne’ehamutuk lima (5) mak kompañia GSA, Nelces, Felipra, Jacrilo no Labilay.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!