iklan

EKONOMIA, BAUCAU, HEADLINE, MUNISÍPIU

Inséndiu iha Abulir Quelicai rezulta uma ida estragu totál

Inséndiu iha Abulir Quelicai rezulta uma ida estragu totál

Inséndiu iha loron kuarta, 15 novembru iha aldeia Abulir, suku Abu, postu admistrativu Quelicai, munisípiu Baucau rezulta uma ida hetan estragu. Imajen espesiál.

BAUCAU, 17 novembru 2022 (TATOLI) – Inséndiu ne’ebé akontese iha aldeia Abulir, suku Abu, postu administrativu Quelicai, munisípiu Baucau, rezulta uma ida hetan estragu totál.

Kazu refere akontese iha loron kuarta, 15 novembru, purvolta oras 12:00 meudia bainhira kondisaun uma mamuk.

“Vítima sira kondisaun di’ak hotu, hamutuk na’in-neen. Sira sai tiha hosi uma, oan sira ba to’os no inan ba tiha bazár maibé sasán mak la salva,” Xefe suku Abu, Fidelio Sarmento dos Santos informa ba Agência TATOLI liuhosi telefónika, kinta ne’e.

Parte autoridade suku hato’o ona informasaun ba pontu vokál protesaun sívil no dezastre naturál destakada iha postu Quelicai nune’e bele foti medida hanesan identifikasi kauza hosi inséndiu no fó apoia emerjénsia ba vítima sira.

Diretór servisu munisipál protesaun sivíl no dezastre naturál, Nelson Nunes, simu informasaun hosi autoridade suku Abu no nia parte orienta ona ekipa identifika kazu refere atu foti dadus inklui ajudu emerjénsia ba vítima sira.

Apoia emerjensia ne’e ne’e komposta hosi hahaan no ekipamentu uma-laran hanesan foos, mina, ikan-lata, supermi no susubeen, bikan, kanuru, sana, taxu no seluk tan.

Jornalista     : Natalino Belo 

Editór            : Evaristo Soares Martins 

iklan
iklan

Leave a Reply

iklan
error: Content is protected !!