iklan

HEADLINE, SAÚDE

MS rejista labarik na’in-93.000 ne’ebé konsumu ona vitamina A

MS rejista labarik na’in-93.000 ne’ebé konsumu ona vitamina A

Pesoál Saúde halo konsultasaun nehan ba labrik sira iha eskola Centru de Aprendizagen CAFE Taibesi Dili, kinta (20/10). Imajen Tatoli/Francisco Sony

DILI, 18 novembru 2022 (TATOLI)— Diretór Nasionál Saúde Públika, Ministériu Saúde Frederico Bosco, informa hahú janeiru to’o setembru 2022, konsege halo distribuisaun ai-moruk ho tipu vitamina A ba labarik sira hahú fulan-neen to’o tinan lima atu konsumu hamutuk 93.000.

“Ami halo ona distribusaun vitamina A ba labarik sira iha territóriu nasionál hahú hosi labarik fulan-neen to’o idade tinan lima hamutuk 93.000. Tanba ai-moruk ne’e, tinan ida ita fó dalarua entaun númeru ne’e kumulativu”, hatete Diretór Nasionál ne’e ba Agência TATOLI iha nia kna’ar fatin, Caicoli-Dili, sesta ne’e.

Minsitériu saude sei halo fila fali kampaña nasionál hodi buka tuir labarik sira ne’ebé mak seidauk simu ka konsumu Vitamina A.

“Ita nia dadus hatudu labarik sira ne’ebé simu ona vitamina A kuaze 91% no sira ne’ebé seidauk ita sei halo fali kampaña atu labarik hotu tenke hetan  vitamina A”, nia garante.

Tanba, nia esplika vitamina A nia funsaun iha rua hanesan atu halo prevensaun ka reforsa labarik sira nia imunidade hosi moras, fortalese liu ba saúde matan nian no prevene labarik sira hosi moras sarampu.

“Vitamina A ne’e labarik sira konsumu tinan ida dalarua, maibé daudaun iha programa saúde eskolar ne’ebé ita fahe fali hosi labarik sira tinan neen ba to’o iha idade 14”.

Alende ne’e, Hahú hosi fulan-janeiru to’o setembru MS halo mós distribuisaun ai-moruk kombate lumbringa nian ba labarik idade fulan-neen to’o tinan lima hamutuk 63.663 iha territóriu nasionál.

Jornalista : Felicidade Ximenes

Editór        : Florencio Miranda Ximenes

iklan
iklan

Leave a Reply

iklan
error: Content is protected !!