iklan

COVALIMA, SEGURANSA

PNTL husu populasaun kontribui situasaun hakmatek durante komemora 28 novembru

PNTL husu populasaun kontribui situasaun hakmatek durante komemora 28 novembru

Reprezentante Komandante PNTL munisípiu Covalima, Joaquim da Costa. Imajen Tatoli/Celestina Teles.

COVALIMA, 18 novembru 2022 (TATOLI)–Reprezentante komandante PNTL Covalima, Joaquim da Costa, husu populasaun sira atu kontribui situasaun hakmatek durante komemorasaun loron independénsia Timor-Leste 28 novembru.

“Ita-nia preparasaun ba 28 novembru ita hotu asesu informasaun hosi mídia agora komesa prepara ona atividade ligasaun ho komemora isar bandeira iha loron proklamasaun independénsia husu ba alin no populasaun sira favor ida kontribui no kolabora iha parte seguransa nian  situasaun tenke hakmatek no livre,” Joaquim da Costa hato’o informasaun ne’e liuhosi nia diskursu bainhira partisipa asaun dame  “Nahe Biti Ba Dame” iha postu Tilomar, sesta ne’e.

Razaun husu populasaun konstribui hakmatek atu ema hotu bele partisipa iha komemorasaun loron independénsia Timor-Leste 28 novembru, tanba loron ne’e importante ba sidadaun Timor-Leste

daudaun ne’e ema hotu halo preparasaun atu realiza serimonia isar bandeira, iha 28 novembru ne’ebé atividade la’o ho situasuan hakmatek loron ne’e nia valór boot tebes.

“Tanba ne’e, husu ita hotu  tantu ita joven, katuas estudante ita hamutuk garante situasaun tenke hakmatek. Fó fatin ba ita hodi hala’o atividade prenxe ba iha loron 28 novembru la’o ho di’ak,” nia dehan.

Iha loron nasional bainhira realiza serimónia isar bandeira la’ós buat baibain, tanba ne’e ema hotu presiza atu respeita bainhira bandeira sa’e labele halo barullu no tenke foku no fó prioridade rona diskursu hosi Prezidente Repúblika maibé ema balun la preokupa atu rona.

“Ita tenke fó ita-nia tempu atu rona prezidente nia mensajen ne’ebé mak lee hosi inspetór serimónia iha loron proklamasaun indeoendénsia 28 novembru,” nia hateten.

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!