iklan

DILI, HEADLINE

SEFOPE sei haruka traballadór timoroan na’in-neen bá Japaun

SEFOPE sei haruka traballadór timoroan na’in-neen bá Japaun

Traballadór timor-oan 100 hamutuk ho família partisipa iha serimónia despedida no asina deklarasaun ho Governu, iha Timor Lodge, Comoro, kinta (17/11). Imajen/SEFOPE

DILI, 18 novembru 2022 (TATOLI)– Diretór Jerál Sekretariu Estadu Formasaun Profesionál no Empregu (SEFOPE), Paulo Alves informa sira nia parte halo ona rekrutamentu ba traballadór na’in-20, maibé sei haruka uluk na’in-neen bá servisu iha Japaun, iha tempu besik.

“Ita halo ona rekrutamentu pilotu ba timoroan na’in-20, ita sei haruka uluk na’in-neen ba Japaun hodi servisu iha área agrikultura ne’ebé tempu besik ita sei pronunsia nia rezultadu”, dehan Diretór ne’e ba Agência TATOLI iha Dili, sesta ne’e.

Nia dehan, antes atu haruka traballadór na’in-neen ne’e ba asina uluk akordu entre nasaun rua, atu nune’e bele servisu ho legalmente.

“Prosesu ba timoroan na’in-20 ne’e kompaña hosi Japaun mak mai halo teste ba sira, SEFOPE fasilita de’it, ne’ebé sira dehan iha tempu badak timoroan na’in neen ne’e arranka ona”, nia dehan.

Bainhira akordu asina ona sei fó oportunidade ba timoroan barak sei ba servisu iha Japaun iha área oi-oin tanba kompaña barak mak hakarak rekruta timoroan.

Kriteria atu ba servisu iha Japaun nian mak timoroan ne’ebé aplika tenke iha sertifikadu lian Japaun ho nivel haat ho nune’e SEFOPE halo ona identifikasaun ba fatin formasaun lian Japaun nian hamutuk rua iha Dili laran no sei utiliza de’it timoroan hirak ne’ebé mak tuir ona formasaun lian Japaun ne’e.

Daudaun ne’e, Timor-Leste iha ona akordu ho nasaun rua Koreia Súl no Austrália, nune’e daudaun traballador iha Koreia na’in 5.000 mak servisu iha ne’ebá no Austrália besik to’o na ema na’in 7.000.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!