iklan

COVALIMA, POLÍTIKA

Autoridade Covalima aloka orsamentu $1.400 komemora 28 novembru

Autoridade Covalima aloka orsamentu $1.400 komemora 28 novembru

Korpu Isar Badeira iha ambitu serimónia Komemoraun Loron Restaurasaun Independensia Timor-Leste ba dala XX. Iha Palasiu Prezidente Aitarak Laran, sesta 20 Maiu 2022. Imajen Tatoli/Francisco Sony.

COVALIMA, 21 novembru 2022 (TATOLI)–Prezidente Komisaun Organizadora, Francisco de Jesus Alves, informa autoridade Covalima aloka orsamentu $1.400 hodi finansia atividade komemorasaun loron independénsia Timor-Leste ba dala-47 (28 dezembru 1975-28 novembru 2022).

“Preparasaun komemorasaun loron 28 novembru agora daudaun ita hala’o enkontru  preparativu final, halo diskusaun atividade ne’ebé mak ita-atu realiza. Provizóriu ita-nia orsamentu limitadu tebes ho montante $1.400,” Francisco de Jesus Alves informa ba Agência Tatoli, iha-nia kna’ar fatin, Sukaer Llaran, segunda ne’e.

Ho nune’e, bazea ba rezultadu enkontru ne’e hatudu katak funsionáriu sira hakarak halo kontribuisaun osan hodi anima komunidade sira iha ámbitu komemorasaun loron proklamasaun independénsia ba dala-47 iha munisípiu Covalima.

“Ita-iha komitmentu funsionáriu no diretór sira sei halo kontribuisaun osan hodi komemora loron proklamasaun independénsia tanba ne’e administrasaun munisípiu Covalima liuhosi dirasaun finansa Covalima sei hasai karta sé mak atu halo kontribuisaun,” nia informa

Orsamentu ba komemorasaun loron nasoionál proklamasaun independénsia 28 novembru ba tinan ne’e hamutuk $1.400, ho nune’e diretór no funsionáriu sira sei halo konstribuisaun hodi finansia atividade sira-ne’ebé atu anima komunidade.

Atividade ne’ebé mak atu hala’o mak hanesan oras ne’e daudaun halo preprasaun hodi fó formasaun ba koru isar bandeira ne’ebé dirije hosi Polísia Nasionál Timor-Leste (PNTL), iha  sábadu to’o segunda (26-28) kalan sei realiza atividade kalan kultura ne’ebé sei aprezenta hosi estudante no universitáriu sira.

“Ita mós halo preparasaun ba treinamentu ba korpu isar bandeira nasionál sira-nian, agora hahú hela ne’ebé dirije hosi PNTL sira. Ita sei realiza atividade  kalan kulturál ne’ebé  aprezenta hosi ita-nia estudante no universitáriu sira no dansa tradisionál,” nia hateten.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!