DILI, 21 novembru 2022 (TATOLI)– Prokuradór Jerál Repúblika (PJR), Alfonso Lopez, hateten Ministeriu Públiku dadaun ne’e seidauk konklui investigasaun ba kazu Ró Tranship II.
“Agora dadaun ita sei halo investigasaun ba kazu ida ne’e, ita presiza halo investigsaun didi’ak no kuidadu teb-tebes no ita labele ansi kuandu hotu ita sei entrega ba prokurador Titulár,” Prokuradór Jerál Repúblika, Alfonso Lopez, hateten ba jornalista sira hafoin partisipa iha serimonia abertura ba konferénsia internasionál kona-ba rekuperasaun ativu no kombate korrupsaun liu husi krime konexu, ne’ebé realiza husi Prokuradoria Jeral Repúblika iha Timor Plaza, Suai Room, segunda ne’e.
Notisia relevante : Kazu ró Tranship II, CAC ezekuta mandadu buska no apreensaun ba APORTIL
Nia dehan, Komisaun Anti Korrupsaun (CAC-sigla portugés) mos halao ona nia kna’ar bazeia ba saida mak Ministeriu Públiku delega.
“Maibé kazu ne’e mai ona iha Ministeriu Públiku ita sei avalia didi’ak no ita tenke respeita presunção inocência tanba liu hosi investigasaun maka sei determina. Ho nune’e ita labele ansi, tanba ne’e segredu justisa,” tenik PGR Alfonso Lopez.
Notisia relevante : MP analiza hela kazu ró Tranship II
Jornalista: Natalino Costa
Editora : Armandina Moniz
