iklan

COVALIMA, POLÍTIKA

Sensibilizasaun programa “bolsa da mãe jerasaun foun” iha Covalima konklui ona

Sensibilizasaun programa “bolsa da mãe jerasaun foun” iha Covalima konklui ona

Diretòr MSSI Covalima, Agapito Asis. Imajen Tatoli/Celestina Teles.

COVALIMA, 21 novembru 2022 (TATOLI)–Autoridade munisipál liuhosi Sentru Solidariedade Sosial Covalima konklui ona halo sensibilizasaun ba programa bolsa da mãe jerasaun foun ba komunidade iha postu administrativu hitu iha Covalima.

Notísia Relevante: Governu prevee millaun $7 ba programa ‘Bolsa da Mãe Jerasaun Foun’

“Ita ho Ministériu Saúde hala’o sensibilizasaun iha postu administrativu hitu konklui ona, maibé dala ruma iha área rurál hanesan iha suku balun seidauk asesu informasaun. Entaun, ita sei mantein oinsá kontinua atu halo sensibilizasaun iha suku sira,” Diretór Sentru Solidariedade Sosial Covalima, Agapito Asis, informa ba Agência Tatoli, iha resintu AMC, Sukaer Laran, segunda ne’e.

Razaun Tékniku Sentru Solidariedade Sosial realiza sensibilizasaun tanba iha 2023 ne’e, Covalima sai alvu atu implementa programa bolsa da mãe jerasaun foun ba komunidade, nune’e  presiza halo koordenasaun servisu oinsá ekipa sira servisu hamutuk ho komunidade.

Durante halo sensibilizasaun, tékniku sira fahe informasaun ba komunidade kona-ba papél no responsabilidade Ministériu Saúde no MSSI liga ba tékniku servisu iha postu no sentru saúde ne’e tékniku sira atu halo saida, profisionál saúde halo atendimentu ba benefisiáriu bolsa da mãe jerasaun foun.

“Ida-ne’e mak sentru solidariedade sosiál hala’o atividade iha fulan ida-ne’e, maibé ita sei haree mós ita-nia planu orsamentu sentru nian. Ita kontinua hala’o sensibilizasaun iha suku sira-ne’ebé besik maibé ho tempu limitadu ho situasaun klima udan,” nia dehan.

Tékniku sira sei halo atendimentu ba benefisiáriu programa bolsa da mãe jerasuan foun hahú husi labarik sira iha inan nia knotak sei hetan subsídiu $15.00, bebée ne’ebé moris sei hetan osan $20.00 no iha mós subsídiu adisionál no bebé ne’ebé moris ho difisíente sei hetan subsídiu $10.00.

Notísia Relevante: Governu Austrália apoia millaun $5 ba programa “bolsa da mãe jerasaun foun”

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!