iklan

COVALIMA, POLÍTIKA

IJT identifika sidadaun estranjeiru uza vistu turista servisu iha Covalima

IJT identifika sidadaun estranjeiru uza vistu turista servisu iha Covalima

Inspetór Traballu Rejionál Covalima, Gabriel Gusmão. Imajen Tatoli/Celestina Teles.

COVALIMA, 22 novembru 2022 (TATOLI )–Inspetór Traballu Rejionál Covalima, Gabriel Gusmão, informa Inpesaun Jerál Traballu (IJT) Covalima identifika no rejista sidadaun estranjeiru na’in-haat uza vistu turista servisu iha Covalima.

“Ami-nia vizita inspesaun traballu, ami hala’o iha munisípiu ida-ne’e. Iha vizita ne’e mós ami identifika sidadaun estranjeiru na’in-haat (4)  uza vistu turista servisu iha munisípiu Covalima iha área fronteira mota masin,” Gabriel Gusmão informa ba jornalista sira, iha nia kna’ar fatin Bairru Costa, tersa ne’e.

Bazea ba IJT hala’o inkeretu hodi halo identifikasaun trabaldór lokál sira-nia dokumentu haree sira-nia servisu iha legalidade ka lae ne’e haree sira-nia kontratu, traballdór servisu uza ekipamentu protesaun ka lae, haree mós lisensa anuál no seluk tan.

Ho nune’e, hafoin halo inkeretu hodi identifika sidadaun esranjeiru uza vistu turista servisu iha Covalima, IJT mós aplika ona medida hodi fó multa ka sansaun ba sidadaun estranjeiru na’in-haat (4) ne’e.

“Ami foti ona medida aplika sansaun liuhosi pena fó multa ba traballadór estranjeiru sira uza vistu turista hala’o servisu no mós uza ona kartaun autorizasaun traballu liu prazu ona mós foti ona medida hodi aplika multa no sira rasik selu iha BNU,” nia hateten.

Sidadaun estranjeitu ne’ebé komete irregularidade, IJT sira hanesan halo violasaun autorizasaun ne’ebé liu prazu ona la halo renovasaun, no uza vistu turista servisu iha Timor-Leste espesiál iha Covalima aplika multa mínimu 230.00 no másimu $1.150.

Dadus iha IJT Covalima hatudu katak, sidadaun estranjeitu ne’ebé servisu iha Covalima hamutuk na’in-16 ne’ebé kompostu hosi uza vistu traballu na’in-12 no uza vistu turista servisu iha covalima na’in-haat (4).

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!